32r

[Col. 1]

Comme a la quarte premeraine
Mais ades sen aproche plus
Tant que cornue auient ca ius
Par dautre part si come deuant
Einsi senuait tout defaillant
Tant qon ni uoit rien dappareil
& com plus est pres dou soleil
En iceste figure ci
Poez ueoir ce que ie di·
FIGURE
Coment li ecclipse de la lune auienent
Apres la lune souent vient
Que clartei perdre li couient
& lors qant ele apert plus plaine
Sideuient ausi comme vaine
Petit & petit defaillant
Bien auez oi ca deuant
Comment ele recoit lumiere
La moitie dou soleil entiere
Mais qant eclipser la couuient
Nule part clartei ne li uient
& se ne li auient forz lors
qades la moitie de son cors
Qui vers le soleil est tornee
Ne soit ades enluminee

[Col. 2]
Mais la lune qui pas ne vait
Si droit· come li solaus fait
Passe aucune foiz par par tesl voie
Qui la terre toute lombroie
ar la terre est plus granz de li
& por ce lombroie ele ensi
Car entredeus est vne ligne
Tant qa la lune se decligne
Si com les cours est plus isneaus
& lors la refiert li solaus
De ses rais & la clartei li rent
Par coi la lumiere reprent
Mais qant mains passe par cel
Tant li tolt il mains & encombre ombre
De la clartei quele recoit
Dou soleil quil part que ce soit
Forz qant a lombre se doit prendre
Si poez ce einsi entendre
Sune ligne passoit par mi
La terre par lepoint enmi
Tout outre dambedeus parz forz
& passast tout outre le corz
Dou soleil tout par droit esgart
Li autres chiez par autre part
Qui durroit de terre ausi long
Passeroit tout parmi le cong
De lombre touz iors par enqui
La lune qui vait par enmi
Deca & de la chascun mois
Passe parmi aucune fois
& lors chiet ele dedenz lombre
Qui de toutes parz li encombre
La clartei dou soleil venir
Qui ali ne puet par venir