BnF. Département des manuscrits. Français 24428

[Marginalia, centred, in brown ink in a modern hand:] Ant. loisel [flourish]

[Marginalia, col. 2, at right, in black ink in a modern hand:] N.D. 193.

[Marginalia, col. 1, in dark grey ink in a modern hand:] a l'Eglise de Paris

[col. 1]

Ou livre de clergie qui est apeles lymage / dou monde en romanz contient par tout ·lv· chapistres· & xx· & ·viii· figures / sanz coi li livres ne porroit estre legierement qui est deviseiz en ·iii· parties· La premiere partie contient ·xiiii· cha pistres & ·ix· figures sans le prologue· Li premiers chapistres est de la poissan ce nostre segnor· Li secons por coi dex fist le monde· Li tiers por coi dex fist lomme a sa samblance· Li qars por coi dex ne fist lomme teil quil ne peust pechier· Li cinqimes por coi & comment les ·vii· ars furent trovees & de lor ordre· Li sisimes des ·iii· menieres de gens que li philosophe po serent au monde & quant clergie uint en france· Li setimes de la meniere des ·vii· ars· Li OWitimes de nature quant ele oevre & que ce est· Li noevimes de la forme dou firmament Li disimes quant li ·iiii· element sont assis. Li on simes comment la terre se tient enmi le ciel Li dousimes comment & queile la reondes ce de la terre est· Li tresimes por coi dex fist le monde reont· Li qatorsimes del isneleteiz dou cours dou firmament & des ·vii· planetes· La seconde partie contient ·xix· cha pistres & ·ix· figures· Li premiers chapistres est comment la terre est devisee en diverses parties & quel part ele est habitee Li secons est la mapemonde

[col. 2]

& ou ele commence· si est daise la grant de paradis terrestre ou il siet· dinde et de la diversitei des gens & des pie res & des bestes· Des contrees daise la menor· Des gens & des poissons qui la sont Li tiers est deurope & de ses regions Li quars daufrique & de ses contrees· Li ·v· des illes & de lor choses· Li sisimes des choses deurope & daufrique & de la meniere des bestes & des oiseaus qui la sont· Li ·vii· des vertuz daucunes cho ses communes· Li ·viii· ou enfers est & ou il siet & quel chose ce est Li ·ix· por coi leaue court par la terre· Li disimes por coi eaue douce· salee· noire· chaude· & envelimee sourt· Li onsimes por coi la mapemonde fenist ou il a mult de diverses fontain nes Li ·xii· comment la terre crolle & fent Li tresimes comment la mers de vient salee· Li ·xiiii· de lair & de sa nature· Li quinsimes comment nues pluies· jalees· noiz· grailes· tempes esparz· & tonoirre avienent· Li ·xvi· comment li vent naissent· Li dis septimes dou feu & des estoiles qui samblent qon voie courre & cheoir & dou dragon ce que est Li ·xviii· dou pur air & comment les ·vii· planetes issont assises· Li disenoevimes des estoiles et de la concordance dou tour dou firmament· La tierce partie contient ·xxii· chapistres & ix· figures

[Marginalia, bas de page, at col. 1, in faded brown ink in an [early?] hand:] [2 lines largely indecipherable]

[Addition, bas de page centre: Institutional stamp in red ink, rotated 30° clockwise. A double circle surrounding an orb charged with three fleur-de-lis, crowned. Between outer circle and centre charge, running clockwise, 2 o'clock to 10 o'clock: (label: BIBLIOTEQUE ROYALE)]

[Initial, col. 1, lines 1–7: Littera duplex /O/, 7 lines, in red and blue, infilled with penwork in red with touches of blue; ornamented with penwork, in blue with touches of red and red with touches of blue, extending into left margin to form partial border]

[Intial, col. 1, lines 31–32: Littera florissa /L/, 2 lines, in blue, ornamented with penwork in red with touches of blue, extending into left margin to form partial border]

[Intial, col. 2, lines 34–35: Littera florissa /L/, 2 lines, in red, ornamented with penwork in blue with touches of red, extending into intercolumnar space to form partial border]

[col. 1]

Li premiers chapistres est comment il est nuiz & jours· & por coi on ne voit les estoiles de jors & le soloil de nuit· Li secons comment la lune rent diuer sement lumiere· Li tiers comment li ecli pse de la lune avienent· Li qars de leclipse qui avint a la mort jhesu crist· Li ·v· de la vertu dou ciel & des estoiles Li ·vi· por coi & comment on mesura le monde Li ·vii· dou roi tholomeu & des autres philosofes· Li ·viii· comment on salua les clergies por le deluge· Li ix· de ciaus qui retrouerent les clergies apres le deluge· Li ·x· des meruoilles que virgiles fist par astronomie· Li xi· por coi & comment monoie fu esta blie Li ·xii· des philosofes qui cer chierent le monde por apenre· Li ·xiii· de philosophie & de la response platon· Li ·xiiii· com bien la terre a de grant & lonc & despes par enmi· Li ·xv· com bien la lune & li solaus contienent de grant & de haut chascuns endroit soi Li ·xvi· de la grandor & dou haut des estoiles Li ·xvii· dou nombre des estoiles & des yma ges que eles forment en ciel Li xviii· de la grandor dou firma ment & dou ciel empur qui est desuz Li ·xix· dou ciel cristallin & dou ciel empire Li ·xx· dou celestien paradis & de son estre Li ·xxi· de

[col. 2]

paradis ou dex est· Li ·xxii· li daer riens est li recordemens & la recapitula tions est des toutes ces choses deuant dites· ci commence li prologues·

Qui bien veut entendre cest liure· Et savoir comment il doit vivre· Et apenre tele clergie· dont melx [vaudra] Si lise tout premierement [/] toute sa vie & apres ordeneement Si quil ne lise rien avant Sil nentent ce qui est devant Einsis porra le livre entendre qautrement nel puet nus apprendre Ci commence limage dou monde Qui velt entendre cest romanz Si puet entendre a cest commanz Grant partie de la faiture Dou monde· comment par nature Fu faiz de deu & a complis & por coi il fu establis · Dont il nous fist si grant bontei Qar ia rien neussiens estei Donc fussiens ausi com perdu Qomme ce qui onques ne fu Si prions au commencement A deu le roi omnipotent Qen cest livre nous doinst aprendre Teil bien & tel science entendre Quil nous conduie & nous amaint En son paradis ou il maint & nous doinst sa grace· & sonor Que conquerre en puissiens samor

[Initial, col. 2, lines 5–9: Littera duplex /Q/, 5 lines, in red and blue, infilled with penwork in red with touches of blue; ornamented with penwork in red with touches of blue and in plain blue, extending into intercolumnar space to form partial border]

[Initial, col. 2, lines 16–19: Littera duplex /Q/, 4 lines, in red and blue, infilled with penwork in red with touches of blue; ornamented with penwork in red with touches of blue and in plain blue, extending into intercolumnar space to form partial border]

[col. 1]

Si dirons tout au premerain Dou glorieux roi soverain De la poissance nostre segnor Quant dex fist le monde premiers Il ne li estoit nul mestiers Qautant olt devant com apres Dex fu & iert & est ades Il ne sen amenda de riens Qonques ne li failli nus biens Tout voit tout tient en une main Il not onques ne soif ne fain Tans· ne ans· mois· ne jor· ne heure Tout ades en tous biens demeure A lui ne tost ne tart nafiert Qanqonques fu & est & iert Li est devant les elx ades Ausi bien li loins com li pres Tout ausi bien le monde voit Avis quil fust faiz com orendroit Se nul monde neust fait onques Autretant vaussist il adonques Com il puet jamais valoir melx Autrement ne fust il pas dex Se tout ne veist & seust Quanques jamais estre deust Car il fust ensis defaillans Daucune rien & non poissans & de tant fust il hom mortex Mais sa nature nest pas tex Car il est dex entierement Sans fin & sans commencement Rien ne li est viez· mais novele Ades li est et fresche & bele Tuit li bien sont sien par nature

[col. 2]

& a lui senvont a droiture Car de lui muevent tuit & viennent Qui ainz jor droit chemin tienent Il naura ja de nul mal cure Car la bontez est toute pure Toute nete saintisme & saine Sanz mal· sanz nule male vaine Car li mal li sont a contraire Por ce les convient ensus traire De lui & de trestouz ses biens Car ce nest forz quordure & fiens Sel convient venir en parfont & le bien demorer amont Devant deu qui est clers & purs Li maus qui est lais & oscurs & tenebreus seur toute rien Descent aval & laist le bien Car ce convient il par nature Ausiz common voit de lordure De vin qon a mis en vaissel Qui li laiz se depart dou bel Si qen haut demore li bons & la lie se traist au fons· Qui mauvaise est & riens ne vaut & li bons qui demore en haut Devient ades & clers & nes & li mauvaiz si est espes Tant comme li bons plus clers devient De tant la lie plus retient Dordure & de maleurtei & ades a plus doscurtei Ensi est dou bien & dou mal Le mal convient descendre aval En liu tenebreus & orrible

[Initial, col. 1, lines 4–5: Littera florissa /Q/, 2 lines, in red, ornamented with penwork in blue with touches of red, extending into left margin to form 1-sided border]

[col. 1]

& de toute dolour penible & le bien convient estre amont Devant deu car tuit bien isont & com li biens plus esclarcist Devant deu & plus sesjoist Tant a li maus plus doscurtei & de dolour & de vieutei En enfer ou il ert touz dis Tant com dex ert en paradis Ou dex a touz biens devant lui & ades aura sanz anui Touz les a touz les enlumine Sanz defaute & sanz nul termine Dex puet tout faire & redeffaire Sanz rien muer de son afaire Car il puet tout quanque il vuet Nule rien en lui ne se muet Estables est sanz mouvement De lui muevent tuit mouvement Cent millier ne li montent mie A la cent mile mi partie Dune sole heure de cest mont Na touz ciaus qui en paradis sont + A plus de biens dedenz une heure + Dont li menres qui la demeure Joie · & honor · deduit · solaz Dont il ne sera jamais laz Que nul hom penser ne porroit En · cent mile anz se tant duroit Li plus sutilx qui onques fust Si pensast melx que il peust De cele gloire est dex tous sires Comme dex· qui valdroit li dires Car tout seit quanque fu & iert

[col. 2]

& tout a quanqua lui afiert Onques nul biens ne li fali A des les a touz devant li Ainc biens be fu ne ja niert faiz Qui devant deu ne soit portraiz Ancois que le monde feist Or oiez por coi il le fist Por coi diex fist le monde Dex fist le monde a son voloir Por ce quil i peust avoir Aucune rien qui teile fust Qui a ses biens partir peust Sadonc ne perissoit par li & por ce cest monde establi Nient por ce que melx lenfust Ne qui nul besong en eust Mais il le fist par charitei & par grant debonairetei Quil volst comme bons qautre riens Partist a lui & a ses biens & que toute autre creature Chascune selonc sa nature De sa poissance se sentist Lonc ce qalui apartenist Ensi volt cest monde establir Que tex chose en peust issir Qui peust entendre & veoir La noblesce de son pooir De la sapience & dou bien Quil fist por homme terrien & qainsis le peust servir Que ses biens peust deservir Les biens quil avoit faiz par lui Si devons moult amer celui

[Intial, col. 2, lines 8–9: Littera florissa /D/, 2 lines, in blue, ornamented with penwork in red with touches of blue, extending into left margin to form 1-sided border]

[col. 1]

Qui nouz fist et bon grei savoir Qant il nouz donna tel pooir Car se nouz ameir le volons De tous les biens segnor serons Si lammons ce ferons que sage Ou nouz iaurons grant demage Se nous perdiiens touz ses biens Ja por ce dex ni perdroit riens Por nouz les fist dex · ses aions Puis que deserviz les avons · Por coi diex forma lomme a sa samblance Dex forma lomme a sa samblance Por ce quil est remembrance De ses biens quil avoir peust Puis que deservir les peust Tout par droit vers son creator Dont il li fist si grant honor Que seur toute autre creature Le fist samblant a sa figure & li dona naturelment Le plus gentil entendement De lui amer por od lui estre Que nule rien qui peust estre Por ce quil peust a ses biens Partir plus que nule autre riens Qonques dex ne fist por autrui Tant de bien com il fist por lui Mais que il deservir le voeille & se non? droiz est quil sendoeille Ne fait a deu point de bontei Qui bien fait por avoir son grei Car son preu fait melx que lautrui & touz li biens en vienr par lui Por ce le feroit lon ameir

[col. 2]

Car molt se puet cheitiz clameir Qui par la folie dessert Qant cele haute gloire pert Por pechie qui rien ne li monte & en la fin nena forz honte Qapres lui en tel lieu le tire Ou il na forz duel et martire Dont ja ne se verra delivre Por si po com il a a vivre Ensi la joie a cil perdue Qui li deust estre rendue Se ses pechiez ne li tolsist & sires enfust sil volsist Se sanz plus se fust maintenus A bien faire & de mal tenus Car qui bien fait tant a donor Que li angle en font lor segnor Devant deu & roi coronei Cil se puet tenir a buernei Qui tant fait qant il vient en terre Quil puisse tele honor conquerre Por son preu & faire lestuet Chascuns· ou tout par soi qui vuet Bien le puet gaaigner ou perdre Auquel quil vient se puet a herdre Parcoi diex ne fist lomme tel quil ne / peust faire / pechie· Damedex dona le pooir Lomme de faire son voloir Bien & mal le quel quil li plait Car sil eust lomme tel fait Quil ne peust faire fors bien Il li tolsist aucune rien De son pooir · car ne peust Faire mal qant il li pleust

[Intial, col. 1, lines 11–12: Littera florissa /D/, 2 lines, in red, ornamented with penwork in blue with touches of red, extending into left margin to form 1-sided border in red and blue]

[Intial, col. 2, lines 26–27: Littera florissa /D/, 2 lines, in blue, ornamented with penwork in red with touches of blue, extending into intercolumnar space to form partial border in red and blue]