24v

[Column A]

& une tresce ont p[ar] dariers
& sont m[ou]lt preuz en telz essoigne^s
Quen apele les amazoines
Eles ont homes pres de lor t[er]res
Q[ue] chascun anvienent req[ue]re
P[or] estre .viii. jors ou .xv. ensenble
Tant quengendre ont celorseble
Lors se dep[ar]tent & senuont
& celes quiles effanz ont
Se feniele est sileretienent
& les males q[ua] age vienent
Norissent p[ar] .v. ans ou {.}vi{.}
Puis les metent forz del pais
M[ou]lt beles fames raaillors
Enbatailles & en estors
Poissanz toutes armees darge[n]t
P[or] faute defer soulement
Ou bois dinde autres fames sont
q[ui] les barbes silongues ont
Q[ue] ins q[ue] aumamel nesarestent
& de piauz debestes sevestent
& vivent de bestes sauvages
Q[ue] les prennent p[ar]ces boscages
Si sont home & fames tout nu
Si co[m]me beste & tuit velu
Eneve & ent[er]re habitanz
& q[ua]nt voient les autres genz
Si sefierent en leve lors
Si q[ue] point nen perent defoes
Autres genz a comme geanz
Velu [com]me porz & muissanz

[Column B]

Si autres fames p[ar]illes
Blanches [con]nois & m[ou]lt s[on]t beles
Fors tant q[uu]les ont denz dechien
& abitent enevebien
Une autre region ia
Q[ui] {.}lxiii. pueples a
Lasont oisel plain dedeuit
Dont les panes luisent p[ar]nuit
Cele p[ar]t sont li papegai
Q[ui] ne sont pas pl[us] g[ra]nt dungai
Touz vers & luisanz co[n]paons
Dont li pl[us] gentis ceclist on
Ont enchascun des piez .vi. dois
& li vilain nen ont q[ue] .iii.
Queue a longue pl[us] q[ue] une pie
Bec crocu g[ra]nt langue fornie
Q[ui] la louvre dedens .ii. ans
Il ap[ra]nt ap[ar]ler desgenz
Un en i a pellicanus
Q[ui] est ausint [com]me chenus
Q[ua]nt ses piions lausse & senuient
P[or] pestre si [con]licouvient
Si les treve mors celiest vis
Lors fiert sonbec dedens son pis
Tant q[ue]li sanz enraie fors
Dont li piion revivent lors
En albame a une genz
Q[ui] tretuit ont les chevex blans
Un haut mont enh[om]menie a
Ou larche noe reposa
Q[ua]nt li deluges fu passez

[Initial: Column a, line 18, a 2-line initial O in blue with pen flourishing in red.]