| 26r[Column A]
Autre i sont q[ui] ont de puceles
Testes & cors jusq[ue] au mameles
Lautre poissons eles doisians
& el Horchans m[ou]lt dous & biaus
Seraines ainsint les claime on
Li un dient q[ue] sont poisson
Li autre les veulent clamer
Oisiaus qui volent p[ar] la mer
des arbes dynde
En inde sont arbre m[ou]lt g[ra]nt
planir m[ou]lt souef odorant
Q[ui] portent dates un fruit sain
& pourvier de poumes si plain
Longues & bones odoront
& si sont bien .c. en umont
Dont les fueilles qui en sont nees
Sont ii pies longues unes lees
Autres poumiers ira bie[n] g[ra]ns
Ou li mors dun home apert ens
Avec les dens & les claime on
Poumes aden p[ar] tel raison
Autre arbre i sont po[m]mes porta[n]s
Bele dehors vendre dedens
Les vignes i sont si portans
Q[ue] une soule grape est si g[ra]ns
Q[ue] .ii. homes en sont chargie
Deporter a lor col apie
Petis arbroisiax i seme on
Q[ui] portent chasq[u]an le tonton
Si croissent unes canes g[ra]ns
Plaine de cucre p[ar] de dens
En babiloine a un des chies
[Column B]
Croist li basmes q[ui] tant e[st] chiers
& le coustivent crestien
Dont li sarrazin dient bien
Q[ui] souvient lont fait esprover
Q[ue] q[ua]nt il le font costiner
A autres gens q[u]a crestiens
Q[ue] cel en ne porteront riens
On cel champ ou li basme croit
Dient q[ue] une fontaine neist
Ou Marie baigna son fil
& de cele la resort il
Ne aillors ne puet on planter
Ou il puisse nul fruit porter
Autre arbre en cele t[er]re sont
Q[ue] en leu de fueille une laine ont
Dont len cist dras soutis & biax
P[our] faire cotes & mantiax
Si sont autres q[ui] portent fruit
Souef odorant qui p[ar] nuit
Se repont en larbre & revient
Jusq[ue] au main q[ue] li soulens vient
Uns autres arbres i recroist
Dont li charbons qui esp[ri]s est
Dure en cendre un an entier
Sans estaindre namenui sier
Cedre i sont g[ra]nt & ebenus
Dont lendist q[ue] ne[n] pourrit nus
Autre arbre pretieus i sont
Dont clous de girofle fruit sont
& nois mugades & cubebes
& les escorces sont caneles
[Initial: Column a, line 9, a 2-line initial E in red with pen flourishing in blue.] | 26r[Column A]
Autre i sont q[ui] ont de puceles
Testes & cors jusq[ue] au mameles
Lautre poissons eles doisians
& el Horchans m[ou]lt dous & biaus
Seraines ainsint les claime on
Li un dient q[ue] sont poisson
Li autre les veulent clamer
Oisiaus qui volent p[ar] la mer
des arbes dynde
En inde sont arbre m[ou]lt g[ra]nt
planir m[ou]lt souef odorant
Q[ui] portent dates un fruit sain
& pourvier de poumes si plain
Longues & bones odoront
& si sont bien .c. en umont
Dont les fueilles qui en sont nees
Sont ii pies longues unes lees
Autres poumiers ira bie[n] g[ra]ns
Ou li mors dun home apert ens
Avec les dens & les claime on
Poumes aden p[ar] tel raison
Autre arbre i sont po[m]mes porta[n]s
Bele dehors vendre dedens
Les vignes i sont si portans
Q[ue] une soule grape est si g[ra]ns
Q[ue] .ii. homes en sont chargie
Deporter a lor col apie
Petis arbroisiax i seme on
Q[ui] portent chasq[u]an le tonton
Si croissent unes canes g[ra]ns
Plaine de cucre p[ar] de dens
En babiloine a un des chies
[Column B]
Croist li basmes q[ui] tant e[st] chiers
& le coustivent crestien
Dont li sarrazin dient bien
Q[ui] souvient lont fait esprover
Q[ue] q[ua]nt il le font costiner
A autres gens q[u]a crestiens
Q[ue] cel en ne porteront riens
On cel champ ou li basme croit
Dient q[ue] une fontaine neist
Ou marie baigna son fil
& de cele la resort il
Ne aillors ne puet on planter
Ou il puisse nul fruit porter
Autre arbre en cele t[er]re sont
Q[ue] en leu de fueille une laine ont
Dont len cist dras soutis & biax
P[our] faire cotes & mantiax
Si sont autres q[ui] portent fruit
Souef odorant qui p[ar] nuit
Se repont en larbre & revient
Jusq[ue] au main q[ue] li soulens vient
Uns autres arbres i recroist
Dont li charbons qui esp[ri]s est
Dure en cendre un an entier
Sans estaindre namenui sier
Cedre i sont g[ra]nt & ebenus
Dont lendist q[ue] ne[n] pourrit nus
Autre arbre pretieus i sont
Dont clous de girofle fruit sont
& nois mugades & cubebes
& les escorces sont caneles
[Initial: Column a, line 9, a 2-line initial E in red with pen flourishing in blue.] |