| 32v[Col. 1]
& come plus est endroit la lingne
De tant la clartei plus declingne
Ausi voit on aucune foiz
La lune enmi lieu de son mois
Com plus est plaine aniantir
& la clartet toute oscurcir
Dedenz vne nuit· & reprendre
Qui vouz poei ici entendre
FIGURE
Dou soleil qui pert sesplendor
Aucune foiz enmi le jor
& vait ausi come a declin
Qon apele eclipse en latin
Ce est defaute de lumiere
Auient en ueile meniere
Qant la lune qui vait desouz
Vient entre le soleil & nouz
Tout adroit en la droite lingne
Si comment quele nouz detingne
La clartei dou soleil en haut
Si quel uouz samble quil defaut
Car la lune nest pas si pure
Qui li solaus puisse outre lure
Si com parmi vne autre estoile
Tout ausi com de la chandoile
Qui long de uostre esgart seroit
Puiz tendrissiez la palme endroit
De la chandoile en vostre vue
La clarteiz vouz seroit tolue
[Col. 2]
De la chandoile en vostre esgart
Point nen verriiez cele part
Qant la main plus endroit metrez
Mains de la chandoile verrez
Tant que point ne verrez enqui
De leclipse autretei vouz di
Qantre le soleil & la lune
Nont pas vue voie commune
Ains a la lune vne autre voie
Qui de cele ·i· po se desuoie
Por ce si nouz conuient entendre
Tout ausi com on sieut estendre
·I· fil de nostre esgart tout droit
Iusqau soleil qant on le voit
Ainsi estendre ceste ligne
Dont souentes foiz se declingne
La lune ou de ca ou de la
Chascun mois com cele qui va
Par desouz le soleil ades
Mais qant de cele lingne; pres
Qele passe tout droit par mi
Si nouz tolt le soleil enqui
Si que veoir nel poons pas
Tant com ele maint en cel pas
Car lors fait ele a la terre ombre
Qui les rais dou soleil lencombre
A venir cele part seur terre
Ou endroit le soleil se serre
& cil qui lors sont eele part
Ont lombre derriers leur regart
Mais napert pas communement
Par tout le monde a toute fent
Car la lune si granz nest [XXX]
Com la terre est de grant partie | 32v[Col. 1]
& come plus est endroit la lingne
De tant la clartei plus declingne
Ausi voit on aucune foiz
La lune enmi lieu de son mois
Com plus est plaine aniantir
& la clartet toute oscurcir
Dedenz vne nuit· & reprendre
Qui vouz poei ici entendre
FIGURE
Dou soleil qui pert sesplendor
Aucune foiz enmi le ior
& vait ausi come a declin
Qon apele eclipse en latin
Ce est defaute de lumiere
Auient en ueile meniere
Qant la lune qui vait desouz
Vient entre le soleil & nouz
Tout adroit en la droite lingne
Si comment quele nouz detingne
La clartei dou soleil en haut
Si quel uouz samble quil defaut
Car la lune nest pas si pure
Qui li solaus puisse outre lure
Si com parmi vne autre estoile
Tout ausi com de la chandoile
Qui long de uostre esgart seroit
Puiz tendrissiez la palme endroit
De la chandoile en vostre vue
La clarteiz vouz seroit tolue
[Col. 2]
De la chandoile en vostre esgart
Point nen verriiez cele part
Qant la main plus endroit metrez
Mains de la chandoile verrez
Tant que point ne verrez enqui
De leclipse autretei vouz di
Qantre le soleil & la lune
Nont pas vue voie commune
Ains a la lune vne autre voie
Qui de cele ·i· po se desuoie
Por ce si nouz conuient entendre
Tout ausi com on sieut estendre
·I· fil de nostre esgart tout droit
Iusqau soleil qant on le voit
Ainsi estendre ceste ligne
Dont souentes foiz se declingne
La lune ou de ca ou de la
Chascun mois com cele qui va
Par desouz le soleil ades
Mais qant de cele lingne; pres
Qele passe tout droit par mi
Si nouz tolt le soleil enqui
Si que veoir nel poons pas
Tant com ele maint en cel pas
Car lors fait ele a la terre ombre
Qui les rais dou soleil lencombre
A venir cele part seur terre
Ou endroit le soleil se serre
& cil qui lors sont eele part
Ont lombre derriers leur regart
Mais napert pas communement
Par tout le monde a toute fent
Car la lune si granz nest [XXX]
Com la terre est de grant partie |
EN