Takamiya_44

It is to be called and reduced to the p[er]petuall memory and remembrance off thenhabitannts of this town of Bury Seynt Edmu[n]d the grett bountevonus and p[ro]fitable gifte of that honorable p[er]sone Jhon Smyth late of Bury Seynt Edmund Esquier. speciall lover and p[re]server off the politik and comen well. of the same inhabitannts. whom god assoile, wich disceasid in the vigill of Seynt pet[er] the xxviii day of June. the yere of our lord god m. cccclxxxi. of his londs ten[emen]ts rents s[er]vyc[es] and othir co[m]moditees lying in the Tounes of Berton Rough[a]m and the feldys off Bury w[ith] other[s]. made and yoven to the Burges and co[mmon]alte of the same towne of Bury and to their successours to the relef supportacyon and aide of al charge and ymposicions taxes and tallage to the seyd Burges and co[mmon]alte intyme to com to be putte to. and specyally for the discharge of a s[u]mme off mony wont of Custom to be payd to the abbot at his new creaton p[er]petually in tyme to come with the revenues of the sayd londs and ten[emen]ts to be born & payed as in the declaracon off his wyll to fore in this boke intiteled trip[ar]tite indented of the same londs & ten[emen]ts made & declared of and upon ij sev[er]ell feffement[es] also trip[ar]tete indented late made of the seyd londs rents & s[er]vyc[es] be the seyd Jhon Smyth. to Rob[er]t Gardener than aldyrma[n] of the seyd town off Bury John Ayleward, Tho[ma]s Bret Will[ia]m Thwayte the elder Gentylma[n] Herry Banyard Clement Drury John Forst Will[ia]m Buntyng Andrew Scarbot John Fursency Tho[ma]s Bunnyng. John Reggeman Symon Clerk Rob[er]t Rose. Rob[er]t Burges. Walt[er] Thurston John Mey Tho[ma]s Emmys. John Gowty. Will[ia]m Coppyngs Edmu[n]d Lorymer. Laurens Smyth. Rob[er]t Clippyng [and] John

Salman more pleynly it doth apper[e]. wich feffes were solempnly sworon to fuffylle and obserue in asmoch as in theym shuld be the seid wyll in eu[er]y poynt. And for asmoch as among othir thyng[es] it is conteyned in the seid will. that as son as the seid feffes beyng of the noumbr[e] of xxiiij died to the noumbr[e] of [1] xiiij. that tha[n] xij. of the same xiiij. tha[n] leuyng shuld reles to .ij. of their seid cofeffes tha[n] leuy[n]g all their ryght and title of and in the same lond[es] to haue to theym and their heires to the p[er]formaumce of the same will. which so beyng in playn possession shuld make a new feffement to the seid .xij. byfore infeffed. and to othir xij. /or moo\ of the most substancyall p[er]sones of the seid Town by thalderman /\ and Burges of the seid /feffes\ Town to be named. And so as often as like case shuld requir[e]. as in the same will at large it is conteigned and acordyng to this article of the seid will the seid feffes in p[er]formaunce of their othe & infulfyllyng of the seid wyll. for asmoch as .xij. of the fore named xxiiij feffes were dede therfore the seyd Rob[er]t Garden[er] [2] will[a]m Thwayte thelder John Forst[er] Tho[ma]s Bunnyng Symon Clerk walt[er] Thurston Jhon Mey thelder Tho[ma]s Emmys John Govty Will[ia]m Coppyng, laurens Smyth Rob[er]t Crippyng and John Salman by ther dede beryng dat[e] the xix. day of Jule the xvij. yer[e] off kyng Edward the iiij th relesed and quite claymed to the forseid will[ia]m Buntyng and Rob[er]t Burges their cofeffes all their right and title of & in the seid lond[es] & ten[emen]t[es] w[ith] thapp[ur]ten[a]nc[es] which will[ia]m Buntyng & Rob[er]t Burges than so being in playn [3] possession therof by their dede beryng dat[e] the xxvj day of Jule the xvij. yer of the reigne

[1] Election of New Feffees & þe manor

[2] Release i [crossed out: feffm[en]t [...]] [crossed out: tenure] 19 July 17 Ed 4

[3] feffm[en]t [...] 26 Jul 17 E4

of kyng Edward the iiijth made a new feffement to the seyd Rob[er]t Garden[er] will[a]m Thweyt[es] thelder John Forst[er] Symond Clerk Tho[ma]s Bunnyng walt[er] Thurston John Mey thelder. Tho[ma]s Emmys. John Gouty Will[ia]m Coppyng laurens Smyth Rob[er]t Crippyng John Salma[n] Edmund kyng Tho[ma]s Edon Clement Clerk. John Payn Will[ia]m Thweyt[es] the yong[er] John Salt[er] John helpston Will[ia]m Sygo John Beraway Reynold Charderoo John Sergeaunt John Basse & John Mey the yong[er] to have to theym & their heirs foren[er] to the p[er]for maunce off the /same\ wyll. as in the same dedys more playnly it may apper. And ther vppon in like wise made their solempne othe.

And for as moche as be nature of dethe the foreseyd named feffees be passyd to god to the nu[m]byr of xviij. therfor. the forsayd. Rob[er]t Gardyn[er] wilh[a]m Thwayt[es] theldr. Symond Clerk Walter Thurston John Mey. John Gowty Wilh[a]m copyng John Salma[n] Thomas Edon Cleme[n]t Clerk Wilh[a]m Thwayt[es] the yong John Salter Johin hemston John Berewey John Sergeaunt & John Basse. be there dede beryng dat[e] the [1] .xxij.ti day of Septemb[e]r the secund yer of kyng Richard the thirde relesyd & quyte claymed to the forseyd John Forster & Reig nold Chardero theire coeffees all their ryght & tale of & In the seyd lond[es] & teneme[n]t[es] w[ith] ther appurten[a]nces. as it is a fore rehersyd. whiche John Forster & Reyngnald Chardero. so beyng [2] in pleyn & full possessyon therof be there dede beryng dat the xxviij day of Septemb[e]r the

[1] 2 [...] lease 22 Sep 2 Ri 2i

[2] [....] Renald 28 Sep 2 Ri 2ⁱ

secund yer of kyng Richard the iijde made a new feoffement to the seyd Rob[er]t Gardyn[er] wilh[a]m Thwayt[es] thelder Symond clerk wat Thurston John mey John Gowty Wilh[a]m Copyng. John Salma[n[ Tho[ma]s Edon Clement Clerk Wilh[a]m Thwayt[es] theyong John Salter John Hempston John Berewey John Sergeaunt John Basse Wilh[a]m Barett Thom[a]s Jermyn Wylh[a]m Stephenson Roger page John plandon Thom[a]s langh[a]m Regynald Chirche Wilh[a]m honyborne John Spencer John parfey John hegge John Elys Hugh Babyngton Tho[ma]s Straylys John Gardyner Thomas larke Thom[a]s Bury John halton baker wat copyng Thom[a]s kyng Mercer Edmu[n]d Smyth John Revell. & John Thame. to have to theym & theyr[e] heyr[e]s foren[e]. To the p[er]form[a]nce of the seyd wyll of John Smyth Esquyer as it is a bove rehersyd and ther vpon they made ther solempne othe. .A.

Londe of /þe\ gyfte of mystris Newhall

Fyrste iiij acr[es] of londe in one pece lying in bury Feld. Callid vyne Felde / betwne the lond now in the tenor of Thom[a]s \Elyn/ horsman on þe north & the lond of \/ Fysche on þe Southe buttyth on þe weste on shakereyswey & on þe est on elyn Fysche aforsaid

An[no] H R sexti p[ri]mo lond[es] of Elyn Fysche in Vyne Felde neer bury gevyn to thenhabitance of þe same Towne

2a n[ota] 1 Fyrst ij acr[es] of lond in one pece lying betwene þe lond of þe seid elyn Fysche on þe South & þe lond of Will[ia]m Castell Sumtyme runny[n]g[?] on þe north / & on þe est on þe said elyn Fysch & p[ar]cell of þe lond belonging to seint nycolas chappell and on þe west on Adam newhall[es] londe & p[ar]cell of þe lond of Thom[a]s Horseman./

9a n[ota] 2 One other pece of lond conteyni[n]g be estymac[i]on ix acr[es] other more or lesse lying betwene þe lond sumtyme þe sellerar of þe monanstery of bury on þe southe / & on þe northe on þe londe belongy[n]g to seint nycolas Chappell & buttythe on þe est on lee woode./ & on þe west on the lond of þe seid elyn Fysche /

8a n[ota] 3 One other pece of londe callid þe myddyll pece by estymac[i]on viij acr[es] other more or lesse lying betwene þe lond late the cellerar on þe south & of ij acr[es] of þe said elyn fysche on þe northe & abuttyth on bothe hedd[ed] on þe seid Elyn

11a n[ota] 4 One other pece of lond co[n]tayni[n]g by estimac[i]on xj acr[es] other more or lesse lying betwene the lond late mystris newhall[es] on þe northe & þe londe of elyn fysche on þe southe & abuttythe on þe est hede vppon þe seid elyn & on west vppon þe weye callid shakersweye /

10a n[ota] 5 One other pece of lond by estymac[i]on x acr[es] other more or lesse as it lyith for betwene þe lond of þe maner of aberdone & þe londe of oldale & elyn fysche on þe southe / & the londe