Image du Monde en vers

Clergie que leur fol savoir Dont il assemblerent lavoir Einsi ^/.nest ^/.sera mie fable Touz ceus qui pour avoir muable Lessent le bon de bien aprendre Sont asseur de mal atendre Car pour avoir sont leur clergie Si qua petit que nest faillie Et de ce qui seve en est De la cite de paris nest Plus que de nule autre cite Cele en a la noblete Des trois manieres de gens Que li philosophe porsivoient Au monde. [et] coment Clergie vint en france Clergie regne ore a paris ausi coume ele fist jadis Atenes qui or siet en grece

Une cite de grant noblece Li philosofes q^uilec furent Qui les autres enseignier durent Ne poserent selonc leur tens Fors que trois manieres de gens Clers chevaliers ovriers en terre Li gaagneur si doivent querre Aus autres gens leur estovoir De ce qui leur covient avoir Pour vivre au monde honestement Et chevaliers et autre gent Les doivent garder et desfendre Lun envers lautre de mesprendre Clers doivent ces .ii. enseignier Et de leur oevres adrecier Si que chascun chose ne face Dont il perde dieu ne la grasce Einsi penserent cha arrieres Les sages gens en .ii. manieres

Qui trestouz ont les chevex blans Un grant mont en armenie a Ou larache noel reposa Quant le deluges fu passez Dont vous avez oi assez Daise la menor et de ses regions Apres vient aise la menor qui close est di aue tout entour Qu il a maintes regions Dont pas les nons ^/.ne savons ^/.tous En ceste siet frique et dardane L a ou paris ravist helaine Dont troie la grant fu destruite Quen la fin de grece est conduite Cele part est licahonnie Et une autre qua non quarie Ou hermes queurt .i. flueve granz Dont la gravele est dor luisanz De cele part devers de la fin Nous vient la paillole dor fin.

[Line 10: the scribe has indicated an interlinear correction, which means the text should read “Dont pas les nons tous ne savons”]

Et dautre part vers oriant Sont une maniere de gent Qui descendiirent les Juys Et sont unes gens ors et vis Nont fame espouse ne amie Pour ce que il ne croient mie Que fame se puise tenir. A un seul home ^/.faillir ^/.sanz Nont cure de fame fors tant Quen engendrer puissent enfant Autres gens i a barbarins Qui se font clamer jacobins Pour jacob qui leur mestre fu Et crestien son mescreu Pour les mariages quil font Aus sarrazins qui de pres sont Et porprennent bien celes gens .XL. regnes de tous sens Ne croient pas con fet lions A nul autre home sa dieu non.

[Line 8: the scribe has indicated an interlinear correction, which means the text should read “A un seul home sanz faillir”]

Daufrique et de ses contrees Apres europe est est aufrique dont le premerain chief est libe Une terre riche et garnie Et puis la terre de sulie Jheruselem et le pais La ou dieu fu et mors et vis Grece romanie et toscane Gascoigne lombardie espagne Alixandre et maint bon pais Et autre que pas ne devis Si a citez et regyons Qui de bestes prennent leur nons Qui habitent en ce pais Dont les bones citez ont pris Dont roume a forme de lyon Troie de cheval ce dit on Ethiope est de vers la fin Daufrique qui ilec prent

En ce pais a une gent Plus noirs que poiz ne arrement Car il fet tel chaut cele part Que il semble que la terre art De la ethiope na rien Fors que mer et terre sanz bien Bestes sauvages et vermine Et vers la grant mer se termine Daufrique et de ses contrees Puis que descrite avons la terre si devons de isles enquerre Cele que nos savon nomer Dont il i a maintes par mer Contre europe est anidos Une grant ille et puis caldos Ou la toison dor fu trovee Con laventure fu contee En cele estoire de reson Une autre isle a non noion De cele fu seint denis nez Qui en france fu decolez

Dont vous oi aves asses Dayse la menour Apres vient ayse la menor Qui close est demer tot entor Ou il a maintes regions Dont pas ne dirons tous les nons En ceste siet, frise, et ardenne La ou paris, ravi helainne Dont troies la grans fu destruite Quen la fin de grece est construite Cele part est, lychaonie Et une autre, qua non tharye Ou hermes keurt vas flueves grans Dont la gravele, est trop luisans De cele part, devers la fin Nous vient la paillole dor fin Dautre part devers orient Sont une maniere de gent Qui descendirent de juis Et sont unes gens orde et viels Ne femme espousee, nont mie Por ce que il ne croient mie Que femme se puisse tenir A un seul homme, sans faillir Nont cure de femme, fors tant Quil puissent engenrer enfant Autre gent i a, barbarins Qui se font clamer jacobins Por jacob qui lor maistres fu Et sont crestien, corrumpu

[initial: 3rd row, opening initial /A/, 2 lines, in red with blue pen flourishing]

Ne dou solail por nule painne Fors endefaute, de la lune Se diex qui puet muer chascune Chose, et refaire ason plaisir Nel faisoit ainsi avenir Ausi com il fist cele fois Quant il fu mis por nous encrois Que la clarte dou jor failli Si com anonne, et miedi Et si estoit la lune ensus Dou solail com ele peut plus Comme cele qui plainne estoit Et desor terre, demouroit Aillours, et fu li jors obscurs Comme nuis quant dut estre purs Dont Sains denis quore est en france Qui en grece ert, a grant doutance Qui paiens, et grans clers estoit Et dastronomie, savoit Quant il vit cele obscure grant Si sesmervilla durement Et trova, par astronomie Que ce ne pooit estre mie Par nature, ne par raison Queclypse fust, entel saison Lors dist une parole obscure Ou li diex, dist il de nature Suefre grant laidure et grant tort Ou tous li mondes se detort Et se des joint, por de faillir