Le Livre au Roi

d'arester, si deit coumander as autres chevalers et as gens à cheval, et il sont tous tenus d'obeyr et de faire et de non passer son coumandement par dreit. Et c'il y a nul qui passe son coumandement daler là ou il ne doit et se desrenge de s'eschiele, la raison juge que c'il est home lige, si deit aveir perdu en sa vie le restorde son cheval; et 'cil est chevaler ou sergent sodoier, la raison juge qu'il deit perdre le restor de son cheval , tel com son seignor li a mis à qui il demore , si que se son cheval moreit ou se mahaigneit dedens celuy termine qu'il a retenu as sos, jà riens ne li devra amender de son restor par dreit ne par l'assise.

CHAPITRE X.

Ici orrés qui est tenus de veir les bestes dou restor, et par qui coumandement devent estre paiés les restors et mis en escrit à la Segrete roi ou dou seignor.

Bien sachés que nule beste ne doit estre mise en escrit à la Segrete dou seignor, dou restor qui est estably, ce est de xl. besans le chevau et xxx. besans la mule, sans le congé dou mareschau dou reaume , por ce que li mareschaus est tenus par sa fei de veyr se le cheval ou la mule soit tele beste qui deie estre mise au restor. Et se le cheval ou la mule sont sains de tous leur menbres, et se li mares chaus voit et counoit que teles seient les bestes com estre deivent, si deit couman der as escriveins de la Segrete dou Seignor que il metent en escrit ceaus bestes au restor, et cil le deivent faire parson coumandement, puis qu'il lor dit, et dès lors en avant sont ceaus bestes au restor par dreit et par 1'assise.

CHAPITRE XI.

Ici orrés la raison quel poer a le mareschau d' arester la paie des homes liges et lor fiés, puis que les homes liges font ce qu'il ne deivent faire.

S'il avient par aucune aventure que aucun houme lige, qui que il soit ou che valer ou sergent , ne tient tieus harnois come il deit tenir, la raison juge et comande ce enci à juger, que li mareschaus est tenus par son office et par sa fei de veir à chascune paie le harnois que chascun tient et toutes les bestes qui sont au restor. Et celuy qu'il n'avera tel harnois com aver doit, si deit arester son fié et sa paie deit prendre au seignor, en jusques à tant qu'il teigne tel harnois come tenir deit : ce est raison et dreit , car despuis que sa beste li est morte à l'oume lige et il a pris son restor, si est tenus par dreit d'aver autre beste au servise dou seignor, dedens la quinsaine qu'il avera pris son restor. Et ce il n'en a autre beste dedens la quinsaine qu'il avera pris son restor, par ce qu'il truisse la beste à vendre

614 ASSISES DE LA HAUTE COUR.

en la terre , la raison juge que, de la quinsaine en avant, deit le mareschau pren dre sa paie à hues de son seignor, en jusques à tant qu'il avera beste et qu'elle sera rescrite au restor, en la Segrete dou roi. Ne nul restor de beste ne se det paier sans le congé dou mareschau, por ce que li mareschaus est tenus de veyr et de saver coument cele beste est morte ou par la coulpe de celuy de cui elle estoit ou morte si com elle doit morir, ce est que son seignor ne li aie fait aucun surfait par quei elle soit morte, car se il l'avoit fait, il ne le devreit point aver de son restor par dreit ne par l'assize.

CHAPITRE XII.

Ici orrés la raison des bestes as homes liges, qui meurent si come eles ne deivent , et sur qui det estre la perte , et coment il pevent rendre leur bestes à cort par raison et par l'assise.

S'il avient que un home lige qui ait restor de cheval ou de mule ou de quatre bestes, la raison juge que se sa beste s'encloe, et avient por celuy encloement que sa beste se mahaigne, le dreit juge que il la peut rendre à cort et deit aver son restor. Se ma beste est redoissée si malement que aidier ne se puisse, la raison juge que je la puis rendre à cort et que je deis aver mon restor par dreit. Si je che vauche ma beste par la vile ou dehors et elle chiet et se mahaigne ou se brise la jambe ou la cuisse, la raison juge que je la puis rendre à cort et deis aver mon restor par dreit. Se à ma beste avient le farcin tel que ne puisse garir, la raison juge que je le puis rendre à cort et deis aver mon restor par dreit. Se à ma beste vient la chamoire, la raison juge que je la puis bien rendre à cort et si deis aver mon restor par dreit et par l'assize. Ce à ma beste vient les aigues as jambes ou les esparvains, et ele ne se peut por ce aider si come autre beste, la raison juge que je la puis rendre à cort et deis aver par dreit mon restor. Ce ma beste s'es paule ou s'escuisse, la raison juge que je la puis bien rendre à cort et deis aver mon restor par dreit. En toutes les maniere que ma beste meure ou se mahaigne, sans ma colpe et sans la coulpe de ma mehnée, si coumande la raison que je dés aver mon restor par dreit et par l'assise.

CHAPITRE XIII.

Ici orrés la raison por quei on ne deit aver son restor, ains deit estre la perte de la mort de la beste ou le mahaing sur l'ome lige et non mie sur le roi , en cui restor sont les bestes.

Tout auci com est ordenee raison que je dés aver mon restor, si est ordenée raison par quei on ne le deit aver dou seignor, si com est si je luais ma beste à aucun et elle meurt ou se mahaigne en cele voie, bien saché que la raison juge que le seignor n'est point tenus de rendre celuy restor, ains est li damages sur celuy de cui estoit la beste par dreit. Encement, se je prestais ma beste à aucun, et

LE LIVRE AU ROI. 615

celuy à cui je la prestai la surmena ou li fist aucune chose por quei elle est morte ou mahaignée , la raison si juge que li rois n'en est tenus mie de rendre se restor, ains est li damages sur celuy de cui fu cele beste par dreit. Encement, se je vais aucune part dehors et je charge ma beste tant par quei elle s'esrene ou se ma haigne, la raison juge que la perte deit estre sur celuy de cuy fu la beste et non mie sur le seignor par dreit. Encement, se je bouhorde et porte armes sur mon cheval par ma joliveté, sans congé dou mareschau, et mon cheval chiet ou est ferus d'aucun bouhort, par quei il meurt ou se mahaigne ou refredit, après celuy bou hort, par malegarde et meurt, la raison juge que tout ce damage si est sur celui de cui fu le cheval et non mie sur le roi, par dreit et par l'assize. Encement, se ma beste est en m'estable et mon sergent li a ataché si haut son chevestre, que quant ele se cuide couchier ou voutrer, le chevestre qui haut est l'estrangle et meurt, la raison juge que celuy damage si deit estre sur celuy de cui fu la beste et non mie sur le seignor, par dreit. Encement, se ma beste est en m'estable et mon sergent li atache son trahinel si estreit ou si cort, que quant la beste cuide retraire son pié par force et il ne peut, et par ce se mahaigne ou brise la jambe ou la jointe, la raison juge que le damage est sur celuy de cui fu la beste et non mie sur le chief seignor, par dreit. Encement, se ma beste se voutre en m'estable, et desoute lui i avoit par malegarde un pel, por lequel pel ma beste s est mahaignée ou sa trait l'eull au voutrer desus dit, la raison juge que ce damage deit estre sur celuy de cui estoit la beste et non mie sur le chief seignor, par dreit. En toutes celes manieres que ma beste meurt ou se mahaigne par ma coulpe ou par la coulpe de ma mehnée, si est le damage sur mei, si que ne m'en doit li rois point rendre de restor par dreit ne par l'asise. Et por ce est tenus li mareschaus de porveyr le paiement des restors as bestes por sauver le dreit dou roi et de ces homes liges par dreit et sans tort l'un à l'autre.

CHAPITRE XIV.

Ici orrés la raison et le poer dou counestable dou reaume et de se qui apartient à son office, por le leuc quil tient de la counestablie dou reaume.

Bien sachés que li counestables est tenus d'oyr et d'entendre les clains et les tors que l'un chevaler fait à Tautre, se li rois nel veut oyr et n'est en la terre. Et par devant le counestable deivent estre jugiés et chastiés les mausfais as cheva lers, par dreit. Encement, si tost com li rois chevauche dehors en ost, bien sachés que la raison coumande que au counestable ataint de faire juger et amender tous les mausfais qui se feront en l'ost et les murtres et larrecins, et tous deivent estre jugés devant luy qui que il soient ou chevalers ou borgeis, par dreit. Ence ment , bien sachés que la raison comande que toutes les devisions des casaus et des terres dou seignor et d'autruy et bailler et rendre et juger et partir, tout deit estre en l'office dou counestable , par dreit et par Tassise. Encement , si tost come li mareschaus a ordenées ses eschieles des gens dou reaume , la raison juge que

616 ASSISES DE LA HAUTE COUR.

li counestables est tenus de porveyr toutes les eschielles et de amender les se riens y a que amender, et deit metre chevetaine en chascune eschielle tel com bien li semblera que bien i soit en tel leuc ; et puis deit il ordener s eschiele de ses homes ou de seaus dou roiaume ; et deit aver en s eschiele autant de gens come avera en deus des autres eschielles. Et si deit aver la premiere pointe par dreit et par Tassise apr^s les turcoples ; et li mareschaus deit aver la derrainiere bataille de vant li rois , se au roi plaist qui la fasse a .

CHAPITRE XV.

Ici orris ia raison que deit aver li mareschaus el gaaing qui fait li rois en aucune chevauch£e , si]

fa fait et il y a guaaignl.

Bien sach6s que se li rois ou celuy qui sera en son leuc , vait en gaudane ou en furte sur les hennemis de la crois , ce est sur Sarasins, et les desconfist par bataille ou par la volont^ de nostre Seignor, quil s'enfuient devant luy et Tosent ataindre, et il avient que il gaaigne bestiaill : la raison juge et coumande ce enci k juger que toutes les bestes vaires , si come sont beus et vaches et jumens et chevaus et chievres et berbis et toutes autres manieres de bestes qui vaires sont, deivent estre dou mareschau et de son office, et toutes celes bestes meysmes qui sont rendues k cort , qui sont vaires, por le restor, si devent estre dou mareschau , par dreit et par l'assise b .

CHAPITRE XVI.

Ici orr£s par quantes raisons peut li rois deseriter ses homes liges, sans esgart de cort e , se il font

ver luy nules de ces choses qui sont si devisees.

La premiere raison si est, s il avient que aucun home lige lieve armes contre son seignor, si deit estre deserit6s k tousjors. La segonde raison si est, s'il avient que aucun home lige fait justise contre son seignor ou contre sa terre, si juge la raison quil det estre deserit^s k tousjorsmais. La tierce raison si est, se aucun houme lige fait ou fait faire fauoe mon£e ou faus besans en son casau ou en sa maison , si j uge la raison que il det estre deserit^s a tousjors mais. La carte raison si est, s'il avient que aucun home lige veut empoisouner son seignor ou sa moillier ou aucun de ses anfans^ si juge

la raison qu'il det estre deserites a tousjors. La quinte raison si est, se aucun home lige ou terrier ou baron dou reaume faiseit faire port en sa terre , de naves et de vaisseaus, et chemin en paienime, por amender sa terre et por amermer les droitures dou roi, si juge la raison quil det estre deserites a tosjorsmais. La siste raison si est, se aucun home lige, qui que il fust ou terrier ou autre, faiset faire et labourer et batre monee en sa terre, si juge la raison qu il det estre deserites a tousjorsmais , por ce que nul hom ne deit aver port , euvreneour ne monee labourant, fors li rois, par dreit ne par l'assize. La septime raison est, se aucun home lige entre, par force des Sarasins, contre la volente de son seignor, et sans esgart de cort, en saisine et de ces casaus et de sa terre don il det servise et homage au roi, si juge la raison quil det estre deserites a tousjorsmais. La huitime raison si est, se aucun home lige fait reveler ses vileins par son comandement et par s'ayde et par son conceill contre son seignor et venir vers luy as armes levies, si juge la raison qu il det estre deserites a tousjorsmais. La nouvime raison si est, se aucun home lige grepist son fie et se renee et devient Sarasin , si juge la raison qu'il det estre deserites a tousjorsmais. La disime raison si est, se aucun home lige y a qui ait guerpi son seignor en sa besoigne , en la bataille as Sarasins , et s'enfuirent et le laisserent prendre ; et c il ne fussent fuis et cc fucent tenus ades oluy, il ne fusse entrepris li rois ne mors : si juge la raison qu il det estre deserites k tosjors. La onsime raison si est , s'il avient que aucun home lige ne veut faire le comandement de son seignor de faire se qui est reis nable chose de faire, si juge la raison qu'il det estre deserites a tosjorsmais b . La dousime raison si est, que cil avient que aucun home lige vent ou bailie por aucun aver son hostel ou sa vile qu'il teneit , as Sarasins , sans cong6 de son seignor, si juge la raison qu'il det estre deserites a tousjorsmais. Et tout ce est raison par dreit et par 1'assise et par 1'establissement dou roi Bauduin segont , k cuy D6s pardoint c . Amen.

CHAPITRE XVII 1 .

Ici orr6e la raison et le droit dou borgeis qui fiert un chevaler, et quel dreit deit estre de celuy

borgeis qui a ce fait.

S'il avient par aucune mesaventure que aucun borgeis bate un chevaler, et le chevaler 1'en peut ataindre par la garantie de deus autres leaus borgeis qui fassent que guarens en la Haute Cort, la raison juge que celuy borgeis deit aver le poing