41r

[Col. 1]
Diex meisines dist la parole ·
Qui de terre est · si emparole
Qui dou ciel vient · et au ciel tire
Seur touz autres est li plus sire
Li filosofe qui bien sorent
Ceste parole · plus chier orent
Soufrir mesaise por aprendre
Qui les honors de terre atendre
Car mex amoient les clergies
Qui dou monde les segnories
Platons qui moult fu sages mestre
Dathenes relenqui tout lestre
Not cure de tel renommee
Ains cercha par mainte contree
Et ot plus chier vergongne avoir
Et honte · por enquerre voir
Por aprendre · que segnorie
Avoir au monde · ne maistrie
Ne dire riens · dont niert certains
Si fu por aquerre los vains
Apoloines · qui tant fu sire
Laissa por savoir son empire
Et sen ala poures et mis
Por aprendre · et pres et vendus
Fu maintes foiz de maintes gens
Qonques ni ot nul si vaillans
Qui lachetast · ne quou vendist
Qant il fit · ains nel contredist
En lui acheter nenlui vendre
Mais quil peust ades aprendre
Tant cercha aval et amont
Por quenoistre dieu et le mont
Quil ot plus chier que mil tresor
Quil vit · seoir en trone dor

[Col. 2]
I · filosofe de grant non
Qui archas ensi avoit non
Qui ses deciples emsegnoit
Dedens son trone ou il seoit
De nature les bones mors
Del jors · del estoiles · le cours
La raison la senefiance
Et la certaine demonstranse
Puiz rala tant par maint cheminc
Quil troua la table dor fin ·
Qui fit de si grant renomee
Et table de soleil clamee
Outouz li mondes fu portez
La vit il et aprist asseiz
Maint afaire en cele siaume
Quil ama miex que nul roiaume
Cil erra tant par mer estrange
Quil passa le flueve de gange

[Col. 1]
Diex meisines dist la parole ·
Qui de terre est · si emparole
Qui dou ciel vient · et au ciel tire
Seur touz autres est li plus sire
Li filosofe qui bien sorent
Ceste parole · plus chier orent
Soufrir mesaise por aprendre
Qui les honors de terre atendre
Car mex amoient les clergies
Qui dou monde les segnories
Platons qui moult fu sages mestre
Dathenes relenqui tout lestre
Not cure de tel renommee
Ains cercha par mainte contree
Et ot plus chier vergongne avoir
Et honte · por enquerre voir
Por aprendre · que segnorie
Avoir au monde · ne maistrie
Ne dire riens · dont niert certains
Si fu por aquerre los vains
Apoloines · qui tant fu sire
Laissa por savoir son empire
Et sen ala poures et mis
Por aprendre · et pres et vendus
Fu maintes foiz de maintes gens
Qonques ni ot nul si vaillans
Qui lachetast · ne quou vendist
Qant il fit · ains nel contredist
En lui acheter nenlui vendre
Mais quil peust ades aprendre
Tant cercha aval et amont
Por quenoistre dieu et le mont
Quil ot plus chier que mil tresor
Quil vit · seoir en trone dor

[Col. 2]
I · filosofe de grant non
Qui archas ensi avoit non
Qui ses deciples emsegnoit
Dedens son trone ou il seoit
De nature les bones mors
Del jors · del estoiles · le cours
La raison la senefiance
Et la certaine demonstranse
Puiz rala tant par maint cheminc
Quil troua la table dor fin ·
Qui fit de si grant renomee
Et table de soleil clamee
Outouz li mondes fu portez
La vit il et aprist asseiz
Maint afaire en cele siaume
Quil ama miex que nul roiaume
Cil erra tant par mer estrange