42r

[Col. 1]
Quil navoit rien apris · fors tant
Quil se sentoit et jour et nuit
Ansi com ·I· vaissel tout wuit ·
Tant leur en respondi platons
Et ce fu li plus sages hons
De plus grant science parfonde
Qon seust lors en tout le monde ·
Nendrroient pas or autant
Maint · ansois feroient samblant
Quil seussent toute clergie
Por los avoir · car max lesguie
Et met la folie en leur testes ·
Quil ne seivent bien · nes que bestes
Et qant sevient aucune Rien
Aucune foiz leur samble bien
Maintenant cuident bien savoir
Qanque folx pense nest pas voir
Deceu sont comme li sos
Mais il nenquierent fors le los
Dou siecle se painet trichier
Quil comparront encor moult chier
Mex leur venroit tel chose aprendre
Qui bien droit leur feist emprendre
Si comme cil sage faisoient
Qui le siecle si po prisoient
Quil usoient toute leur vie
En aprendre filosophie
Ensi estudioient lors
Li filosophe apres leur mors
Por adrecier et por atraire
Eaus et les autres pour bien faire
Et se penoient densengnier

[Col. 1]
Quil navoit rien apris · fors tant
Quil se sentoit et jour et nuit
Ansi com ·I· vaissel tout ·