Le Pelerinage de Damoiselle Sapience

vertu que par leur doulx regard tant seullement convertiront les pecheurs · ¶Exemplum in petro quem respexit dominus et egressus est foras et flevit amare · Et non obstant il pleureront encore en la fin ne point de confort au monde ne trouveront que tantes fois les aultres conforteront · Sapience dist cest grant pitie · mais de la face saroye voulentiers que ce sera · Verite dist la face de cest enfant sera plaine de larmes · Et si sera monstree encore en son vivant aussi come est le solail et aussi belle · Les angres de paradis desirent a regarder la face de cest enfant · In quem angeli prospicere · Et non pourtant aulcuns ne resongneront pas a ferir ne a crachier a icelluy visage que les angres ont tant chier · Sapience dist or voy je bien que cest enfant est sur tous les aultres merveilleux · Verite respond que pour ce est il appelles lesmerveilleux · Sapience dist voulentiers orroye je de vous pour quoy se gentil enfant et bien eure aura tant a souffrir · Car chacun le deveroit aourer et servir · Verite dist il fera offrendre a la justice de dieu de soy mesme pour recorder ses eslis · La quelle offrande sera si precieuse devant dieu pour la dignite de sa personne et pour sa grant charite que dieu ne le pourra ne ne vouldra refuser · Et loffrande sera faitte au jour que pour lonneur de dieu et pour le tesmoignage de verite il souffrera voulentiers la mort que les mauvais envieux luy dourront qui par envie locciront · Sapience

dist dont sera loffrande pour lamour quil a a dieu et a ceulx quil a eslis de lumain lignage · Verite dist par amours souffrera il · Sapience dist je voy bien que cest enfant fait sur tous les aultrez a amerveilles a amer · De bon heure fu neez qui en son ceur le pourroit mettre tout entier · Verite dist par telles penseez le met on en son ceur et mennist on espirituellement · ¶Augustinus · Crede et manducasti · Sapience dist merveilleux amoureux entres dedens mon ceur · et sy y demourez tousjours · Amen · ¶De lardant amour Amour est espice delicieuse · loyen de ceur · embrasement de penseez · tenreur daffliction · subtilitez dentendement · embellissant les meurs · desprisant le monde · fuians vanitez · souffrans mesaises · Aidans ses proismes · mere de vertus · boutilliere de confort · Dignite de merite · siege et repos de toute la trinite · Lame qui ayme dieu est bien es euree Car le royaulme de paradis est son heritage · Il est amy aux angres · compaignon aux apostres · frere aux martyrs · Les confesseurs luy sont soulas · et les virges desduis · Hee lasse vrayment est lame benoiste et bien euree qui a la paix de paradis de quoy dieu le pere en est temples de seurte · Le filz resplendisseur de gloire · le saint esperit en est amour et lumiere resplendissant · La est joye avec lumiere · la est oudeur sentie qui ja ne sera departie car elle durera sans deffaillir · Cest une

manne qui tousjours asavoure et ne peult appetissier la est rassasiee lame de toutes choses en regardant la majeste divine qui est emplissement de tous desirs · On doit bien estudier par regarder celuy qui est le tresbel peu congneu · Le doulx mal assavoure · le riche mal servi · le sage mal creu · le trespuissant peu doubtez · le bel peu honnore · le courtois peu festies · Le sage peu mercies le tres misericors peu prises · le loyal peu loes · le debonnaire peu aidie · le tres amiable peu ames · Qui longuement y penseroit · en pensant le desireroit · en desirant le sentiroit · en sentant se deliteroit · en delictant sesjoiroit · en esjoissant languiroit · en langissant navres seroit · navre damours sy se mourroit · mort adieu · si se reposeroit ·

repentant · Saint augustin dit que · iiii · manieres de gens sont qui moult desplaisent a dieu · le premier est le vieul luxurieux · Le riche sans ausmone · Le sage sans bonne vertu · Et le jenne sans obedience · Quatre raisons sont pour quoy dieu rescoit les siens de ce monde · La premiere si est pource que le monde nest mye digne de eulx avoir · la seconde pource que quant ilz sont en bon estat il ne veult mye quilz se muent ou par adversite ou par prospe- rite · La tierce est pour acomplir leur desir Car preudomme ne desire aultre chose fors que estre avecquez dieu · Comme il appert par saint pol· qui disoit · Je desire que mon ame soit dessevree de mon corps · La quarte raison est pour eulx paier de leur loyer · Car bien est droit et raison que quant le serviteur a deservi son loyer que on luy paie · Et dieu est droiturier qui a chacun paie son loyer prestement sans delaier · Je mesmerveille fait saint bernard comment celuy qui a esperance de son salut se peult en^besongnier fors que de dieu seulement · Sire fait saint augustin quant je pense a ce que vous souffrites pour moy se tous mes cheveulx estoient surjons et mes yeulx estoient deux fontaines ne me souffiroit il mye que je peus- se asses plorer · Saint augustin dit dieu doul- cement senti et humblement de luy aprent on plus en taisant et en pensant que on ne fait [a] en ses livres lisant · Dure chose est luy obligier par

pechie aux paines denfer · Mais plus dure chose est courcer la majeste de dieu · Saint jherosme dit que tout le temps quon ne pense a dieu on le doit tenir pour temps perdu · Et dit il mesmes que plus suis entre les hommes tant me treuve je mains homme · Saint nichaise dit de la chose dont il me souvient le mains cest de ce que on ma meffait · Salmon dit que cest gregnieur chose de vaincre son courage que prendre une forte cite · car par pacience est congneue sapience · Saint gregoire dit que la raison pour quoy nostre sire consenti que il fust feru de la lance ou coste se fut pour ce que nos prensissons son ceur toutes ^fois que nous vousissons · Bon ceur doit avoir · vii · conditions Amer en contrition · pur en affliction · liez en tribulation · piteux en compassion · Droit en entention · Fervent en devotion · Esleves en contem- plation · Saint bernard dit que haulte grace nest point acquise se nest par la vertu dumilite · Car ung petit ceur humble comprent dedens luy par la grace ^{de dieu} ce que ciel et terre ne peult comprendre · ¶Pluseurs auctorites · Confesse toy sain et hetye en ce monde nulz ne ^y scet trouver avantage aussitost muert jenne que vieux · jugement sera fait sans misericorde a celuy qui nara fait misericorde · Ne vieullez mye aultry jugier et vous ne serez ja jugies · Pardonnez et on vous pardonrra ·

[Marginalia, in left margin: At line 3, in black ink, in a later hand: three parallel lines, same size “///”; at line 4, in black ink, in a later hand: “Geb”; at lines 5–6, in black ink, in a later hand: “Cl”; at line 8, in black ink, in a later hand: two parallel lines, same size “//”; at line 13, in black ink, in a later hand: “s” shape; at line 17, in black ink, in a later hand: “s” shape; at line 19, in black ink, in a later hand: “s” shape]