Image du Monde en vers

Na vers le ciel point de grandor Ne que li p[u]is quemmi seroit En vers le plus grant cercle aroit Que vous peussies sor la terre A compas fair por conquerre Non qui seroit ou ciel lassus Et regardast vers terre jus Et la terre fust toute ardans Entour com uns carbons flammans Plus petite li sambleroit Que la menre estoile qui soit Ou ciel de terre ca aval Fust en montaigne fust en val Et par ce puet on bien savoir Que tout convient le ciel movoir Quant faire li convient un tor En tor la terre chascun jor Si com a percevoir poons Par le solail que nous veons Au main lever en oriant Et couchier devers occidant Et puis apres a lendemain Le reveommes nous au main Car lors a il parfait un tor Que on claimme naturel jor Qui jor et nuit enli contient Ensi vait li solaus et vient Que ia daler navra repos Avec le ciel si com li clos Qui fichies est en une roie

Et torne quant ele tornoie Mais por ce quil a mouvement Contre le tor dou firmament Si dirons une autre raison Sune mousque aloit en viron Une roie qui tournoiast Si que la mousque en contre alast La roie avec li lemmenroit Quancois maint tor faire porroit Que la mousque eust fait un tor Et quele eust ale entour La roie dus quau premier point Si entendes en itel point Le solail aler et la lune Par une voie quest commune A .vij. planetes quou ciel sont Qui tout par cele voie vont Tout ades devers oriant Et li ciels torne en occidant Si com sa nature le guie Mais ci fenist cele partie Por deviser de la seconde La terre de la mappemonde Et la forme dou firmament Qui dusquas estoiles sestent Ci commence la seconde partie dou livre Puis que la terrre est si petite Si com avons ici descrite Petit doit on proisier ses biens Envers le ciel, nes com fait fiens

[initial: fourth to last row, opening initial /P/, 3 lines, in blue with red pen flourishing]

Cis lieus est dis, drois miedis Car tout enmi, le monde est mis Li autres chies de cele ligne Qui devers senestre se ligne Apele on, septemtrion Et prent des .vij. estoiles non Qui torne vers latres montaigne Qui par mer les maronniers mainne Et lautre ligne quest enmi Que li midis trenche parmi En la fin devers oriant Si com li auctor vont disant Est li terrestres paradis Ou adans fu cries ja dis Cil lieus est oriens clames Car la nous est li solaus nes Qui le jor nous rent en viron Lautre chief occident anon Car li jors faut et obscur cist Quant li solaus cele part gist Ensi ont par ceste raison Les quatre pars dou monde anon Li premiers contient orient Et li secons, a occident Miedis le tiers, et puis le quart Ra septemtrion en sa part Si les poes par ceste ensaigne Entendre qui le vous ensaingne

Apres soit chascune partie Entiere aers son non vertie Dont chascune sera li quars Sen soi ceste figure esgart

[image: a circular representation of the earth, light brown painted (label in black: T / I / E / RE), sourrounded by an outer blue circle for the sky (label in white: A / I / R / S); both circles are divided into 4 quarters by two diagonals (labels, in white, on the diagonals: MIEDIS, OCCIDAN[T?], SEPTEMTRION, ORIANT)]

Tous li lieus qui est habites Si est en .iii. pars devises Por ce convient par tel raison Faire une autre division Dont la pars devers orient Est apelee aise la grant Dune roine, qui aise ot non Dame de cele region Autant tient de grandor cis lieus Comme font cil des autres deus Porce aise la grans a non Et dure de septemtrion Par oriant tres qua miedi Si com ceste figure ici

[initial: 1st paragraph, opening initial /A/, 2 lines, in blue with red pen flourishing]

[initial: 2nd paragraph, opening initial /T/, 2 lines, in red with blue pen flourishing]

[lower margin, quire number: .[v].^us]

Et tienent a felons escars Tous cials qui ce ne font des lour Car il tienent, ce ahonour Et a largesce et a grant bien Por ce le font cascuns dou sien Vers oriant a autre gent Qui le solail tant seulement Aourent, et por dieu le tienent Por les biens qui par lui avienent et por ce quau monde ne voient Si bele riens, por ce le croient Autres ia, trestous velus Qui le poissons menjuent crus Et si boivent la mer salee Sira devers cele contree Bestes, et hommes la moitie Gent qui ont .viij. dois en .i. pie Molt par ia, horibles bestes Qui ont cors domme et de chiens testes Qui alor ongles tout arestent Et de pials de bestes se vestent Vois ont si com abai de chien Siresont li ciclopien Qui de corre passent le vent Et nont cun pie tant seulement Dont la plante est, si longue et large Quil se cuevre com dune targe Et sen a ombrent por le chaut Quant de sor li, le tient en haut Autre iresont, qui nont cun oeil

[initial: 6th row, opening initial /V/, 2 lines, in red with blue pen flourishing]