41v

[Col. 1]
Ainz ala par mainte contree
Tant que mainte chose ot trovee
Sains polx qui moult refu prendons
Rala par maintes regions
Por aprendre · et por plus veoir
Touz les bons clers quil por savoir
Sains brandains ne fina derrer
Ades · et par terre et par mer
Por aprendre tant seulement
Et vit mainte merveille grant
En une ille vint · ou il vit
Oisiaus parlanz com esprit
Qui li distrent aucunes choses
Dont il leur demanda les gloses
Si ala par mains autres liens
Et vint en ·I· si perilliens
Plain de peril et de tormens
Qui nus ne porroit penser qens
Aucun vit qui li respondi
Qui ciert vidas que dieu trai
Qui cent foiz tormenteiz estoit
Le jor · ne morir ne pooit
Maint autre grant merveille vit
Si com en sa vie est escrit
Maint autre qasseiz de biens sorent
Cercherent le monde ou quil porent
Por miex quenoistre mal et bien
Si nesespargnoient de rien
Ne voloient pas si tost croire
Chose quil ne trovassent voire
De qanque li livre disoient
Jusqatant qesprovei lavoient
Por mex dieu quenoistre · et amer
Ainz cerchoient et terre et mer

[Col. 2]
Tant que il tout cerchie avoient
Puiz arriere senrepairoient
Aleur estude por touz jors ·
Clergie aprendre · et bones mors
Si amoient filosofie
Por eaus quenoistre · et droite vie
Mais por ce que [nommes] navons
Aucune foiz · vouz descrirons
Qel chose filosofie est
Dont si grant sapiense nest
Qui lomme puet ace mener
De lui quenoistre · et dieu amer
Platon · ce que est filosofie et de la response
Filosofie est quenoissance
De fine amor · sapience
Deschoses savoir les convines
Des humaines et des devines
Por quenoistre lui et son estre
Quix il est et qes il doit estre
Si qa ce sepuisse mener
Qui touz se puisse a dieu doner
Qui bien quenoist lui et sa vie
Si seit toute filosofie
Tuit cil droit filosofe sont
Qui diaus quenoissance droite ont
Dont platons respont a aucun
Qui li demanda en commun
Sire platon qavez apris
Qui tant avez votre tens mis
A estudier por aprendre
Qel bien nouz fereiz vouz entendre
Car nouz dites aucun bon mot
Et platons qui plus que nus sot
Li dist · ansi decuer dolant

[Col. 1]
Ainz ala par mainte contree
Tant que mainte chose ot trovee
Sains polx qui moult refu prendons
Rala par maintes regions
Por aprendre · et por plus veoir
Touz les bons clers quil por savoir
Sains brandains ne fina derrer
Ades · et par terre et par mer
Por aprendre tant seulement
Et vit mainte merveille grant
En une ille vint · ou il vit
Oisiaus parlanz com esprit
Qui li distrent aucunes choses
Dont il leur demanda les gloses
Si ala par mains autres liens
Et vint en ·I· si perilliens
Plain de peril et de tormens
Qui nus ne porroit penser qens
Aucun vit qui li respondi
Qui ciert vidas que dieu trai
Qui cent foiz tormenteiz estoit
Le jor · ne morir ne pooit
Maint autre grant merveille vit
Si com en sa vie est escrit
Maint autre qasseiz de biens sorent
Cercherent le monde ou quil porent
Por miex quenoistre mal et bien
Si nesespargnoient de rien
Ne voloient pas si tost croire
Chose quil ne trovassent voire
De qanque li livre disoient
Jusqatant qesprovei lavoient
Por mex dieu quenoistre · et amer
Ainz cerchoient et terre et mer

[Col. 2]
Tant que il tout cerchie avoient
Puiz arriere senrepairoient
Aleur estude por touz jors ·
Clergie aprendre · et bones mors
Si amoient filosofie
Por eaus quenoistre · et droite vie
Mais por ce que [nommes] navons
Aucune foiz · vouz descrirons
Qel chose filosofie est
Dont si grant sapiense nest
Qui lomme puet ace mener
De lui quenoistre · et dieu amer
Platon · ce que est filosofie et de la response
Filosofie est quenoissance
De fine amor · sapience
Deschoses savoir les convines
Des humaines et des devines
Por quenoistre lui et son estre
Quix il est et qes il doit estre
Si qa ce sepuisse mener
Qui touz se puisse a dieu doner
Qui bien quenoist lui et sa vie
Si seit toute filosofie
Tuit cil droit filosofe sont
Qui diaus quenoissance droite ont
Dont platons respont a aucun
Qui li demanda en commun
Sire platon qavez apris
Qui tant avez votre tens mis
A estudier por aprendre
Qel bien nouz fereiz vouz entendre
Car nouz dites aucun bon mot
Et platons qui plus que nus sot
Li dist · ansi decuer dolant