ENPages
Page 31
merites il devroit volentiers de coeur entier et par fait servir par grant amour et par grant reveren ce. Celui qui tel la fait pour conquerre et parve nir a plus hault honneur Si volt nostre seigneur dieu que lomme fust tel que par droit il peust des servir au tant de bien en droit soy comme lui meis mes en avoit. Et pour che il lui donna sense et rai son de avoir intention vers lui. Car par droit bien servir le deveroit. Si est celui moult fol et malotru qui ne se pourvoit de bien fair tandiz comme il est vi vant. Car tout le bien que chascun fera sera pour lui et tout le mal pareillement. Et si aura chascun pour ung bien cent biens et pour ung mal cent maulx. Car moult est fol celui qui cuide faire a dieu bonte de son bien en nulle maniere qui soit lors quil le fait. Et quant il se abstient de mal faire fors que tant que nostre seigneur len tient plus chier et plus mieulx les ayme. Car se tout le monde sen perdroit Ja pour ce nostre seigneur dieu nen vauldroit piz ne nulz des biens qui sont en son povoir Se tous les sains qui par chi deuant ont este au monde et
Page 32
qui jamais y seront neuissent oncques fait nulz biens et que tous par leurs demerites se fuissent dampnez perpetuellement en enfer. Ja pour tant nostre seigneur dieu nen eust meins de delit ne de con solation. et si nen vauldroit ja pis en nulle maniere ne riens qui fust en paradis. Mais les sains furent saiges preux et constans de faire leur bien et prouf fit comme ceulx qui plainement congneurent que ce monde nestoit que une chose vaine et trans itoire Si eulrent trop plus chier a souffrir paines et travaulx et offrir leur corps a tourmens et a mar tire et avoir hontes blasphemes laidures et aultres injures pour lamour de nostre seigneur en cest mise rable siecle qui si pau dure et avoir les grans biens de paradis a tousjours que avoir aise muable au corps pour avoir paine pardurable. Si neulrent cure de telz biens qui riens ne valoient en la fin Ain chois preindrent le frain aux denx pour acquerre le treshault sens et entendement de paradis. Et moult ya de ceulx qui les tindrent pour fols au monde les quelz ont a present les colz moult chargiez de ce dont
Page 33
les aultres sont delivres. Car ils sont herbegiez en pa radis. Et encores tient len maint saiges a fol qui ne prisent gaires leurs paroles. Plente de saiges a orendroit en paradis que se ils eussent prisie les folz dites et les fols euvres des gens tandis que ilz furent au monde ilz neus sent pas fait che quilz firent. Comme orendroit font moult de gens qui tant convoitent davoir le loz de cestui mon de pour la parole des folz quils en laissent a faire les commandemens de nostre seigneur dont les sains de paradis fisrent grandement leur devoir et leur preu. Car ils ne laisserrent pas pour les delites du siecle a servir leur createur pour acquerir paradis ou ils ont joie et tout honneur comme ceulx qui seigneurs en sont et seront sans fin. Et se ilz eussent aultrement fait il eussent per petuellement honte et laidure es tourmens denfer ou sont tous les maulx que homme sauroit deviser. Si est moult grant merveille de cest monde comment il se fait que tant de gens sont qui vouldroient souffrir plus de paine et de traveil pour les loz des gens conquester ou pour amasser les grans tresors lesquelez si pau de temps leur demeurent et qui en une seule heure leur faillent
Page 34
que ilz ne feroient pour conquerre les biens de nostre siegneur lesquelz jamais ne fauldroit que le beneurez sains ont acquis par ung petit de dure vie que ilz ont endure en cest monde qui ne samble qui ung droit delit a ceulx qui de bon coeur si mettent. et en la fin leur est adviz que pour pau ou neant ilz on acquis paradis et tout ainsi le poent acquerre une chascune persone et estre commun des biens de nostre seigneur et avoir la gloire et joies de paradis. Se il ne reste en lui meismes. Mais ceulx qui desirent la gloire et les honneurs de che monde ilz sempirent tant quilz nen poevent nulz biens aprendre ne entendre a leur sauvement. Si ont trop plus chier laisement et la consolation du corps dont ilz sont si tost mis de hors et menez a doleur et a paine que ilz ne font laise de lame qui sans fin dure. Ne ne prisent riens le sens ne lentendement del homme sil ne se scet bien avoir au siecle et sil na plente de biens temporelz par quoy il soit esleue au monde. Ainchois dient que il est niche et fol pour che quil ne scet leurs malices et cautelles Mais tous ceulx sont mauldiz de dieu par la bouche
Page 35
de david le prophete qui se painnent de plaire au mon de pour nulle riens quil sachent faire. Car tel orguel est vaine chose par quoy lame en empire. dont david dist au psaultier Mauldiz sont dist il tout ceulx et coin fus comme gens dexil qui au monde plaisent de riens Car de tous biens ils se ostent et se descordent de dieu et de son amour puis que ilz sont en tel estat adonne que ilz sacordent au monde et a ses vanitez et delices. Car dieu les a tous en despit et leur escondit sa grace pour che que ils quierent le loz et la gloire du monde. ouquel il fut eslaydi de boute mutille et en la fin crucifie et pour fol tenu. Aussi nostre seigneur dieu dis en son evangille que tous ceulx seront bien eurez qui auront le monde en despit. et qui seront des gens hays dejettez foulez et es charniez comme folz pour lamour de moy et de mon nom Car ils en auront ou ciel le loyer et guerdon. Et che poeut on tout clerement veoir se dieu meismes ne ment et verite nest faulsete que ceulx a qui le monde plaist et qui le loz du monde et la gloire veulent apprehendre et a voir il ne poeut estre quil ne sen deullent pour che est celui fol qui point en quiert a avoir pour che que tous