BnF. Département des Manuscrits. Français 14964

Por ce fu monnoie establie Por soustenir chascun sa vie Quant il erroient par chemin Mais tant aimment lor parchemin Lor puans cors, et lor charoingne Outre ce que li jors ne soingne Que chascuns qui puet en retient Plus qua son vivre, nen convient Si quil porrissent apres eus Et en laissent maint besoingneus Ne furent pas por ce trovees Monnoies, por faire saudees Fors tant com por avoir son vivre Tant que la mors, qui tout delivre Enfesist ce quele deust Au plaisir dieu, quanque ce fust Et ensi plus a aise fussent Quil ne sont ore, et miex peussent Faire ce quil lor convenist Et mains pechies en remansist Mais ne sont pas si sage gens Com furent cil qui par lor sens Retroverent astronomie Que tholomeus, noublia mie Ains i estudia, mains jors Tant quil trova et seut le cors Des estoiles qui ou ciel sont Et de lor mesure, damont Dont nous parlasmes ca devant Si vous dirons, dore en avant

La grandor de la terre toute Dou ciel et dou solail sans doute Des estoiles et de la lune Qui nest pas chose atous commune Si com rois tholomeus meisme Le mesura, dus quen abysme Et le prueve encor, par raison En un sien livre qui anon Lamajestes, ce est haute oevre Or oies que il en descuevre Et ce que maint autre ont ovre Qui apres lui lont esprove De son livre ou il donna art Dou prover, par raison desgart Combien la terre a delonc entour Et despes parmi, li .xv. capitles Li phylosophe par lor ars Mesurerent de toutes pars Lemont, en haut et en viron Dusquas estoiles tout enson Dont savoir volrent, la mesure Por miex connoistre la nature Mais primes volrent mesurer La terre, et sa grandor prover Quant la tere, mesure eurent Tot entor par une art quil seurent Et prove par droite raison Si comme son fesist un tor Si la troverent en viron Dune cainture tout entor

[initial: 15th row, opening initial /L/, 4 lines, in red with blue pen flourishing]

Puis estendist on la cainture De lonc, en lonc, tout par droiture Qui lors iroit, delonc en lonc Et acaindroit, tout par son lonc Il troveroit la grandor grant .Xx. mile mile, et .iiij. cens Et encore .xxviij. plus Dont la mile selonc lor us Contient .M. pas, dont uns pas tient .V. pies, et dont chascuns pies tient .Xij. pouches, en sa longour Tant est longue, la terre entor Par ce troverent il apres Combien ele a parmi despes Et troverent lespes de li Si comme partie parmi Que de longor, a pardedens .Vi. mile, mile, et .xv. cens Par ceste derrainne figure Qui est droite selonc nature Mesurerent il, droitement Le haut de tout le firmament Car nen seurent aillors ou prendre Plus grant mesure por laprendre La grandesce, de toutes choses Qui dedens le ciel sont encloses Combien la lune et li solaus ont de grant et de haut chascuns endroit li .xvi. capitles La terre commune poserent Dont les estoiles, mesurerent

[initial: 29th row, opening initial /L/, 4 lines, in blue with red flourishing]

Et planetes, et firmament Puis la terre premierement Volrent apres ce mesurer La lune, et sa grandor prover Si troverent, que tous li cors De toute la terre, ens et hors Qui fu lor mesure commune Plus grant que le cors de la lune .Xxix. tans, et un peu plus Est de la tere, si loing ensus .Xxiiij. tans et demi Com la terre a despes parmi Et les .v. deusismes dun tans Tant a sa hautesce de grant Dou solail par demoustroison Proverent il et par raison Quil est plus grans enson assis Par cent fois, et .lxvi. Que toute la terre, ne soit Mais qui nel set, petit le croit Et si est prove, par maistrie Et par cials de geometrie Dont puis se sont pene pluisor Qui se doutoient de lesror Sensi pooit voirs estre ou non Tant quil proverent, par raison Que cil eurent dit verite Et dou haut, et de quantite Nes je qui cest escrit enfis Mentente, et mon sens tant imis

Por ce que je mes merveilloie Que je vi ce, dont me doutoie Car je vi tout apertement Le solail estre tant plus grant De la terre sans nul defois Par .c. et lxvi. fois Et les .iij. parties, vintismes De la terre, avec ce meismes Si com li arcien ont dit Et lors encrei je lor dit Ne ja en escrit, nel mesisse Se la verite nen sievisse Si puet on bien de verite Savoir par sa grant quantite Que molt est loins de nous assis Quant il nous samble si petis Ne ja ne sera si ensus Que on nel voie de ca jus De terre dus quau solail a Si com tholomeus, le prova .Vij. cens .iiij.^.xx. et .v. tans Com li espes de terre est grans Des estoiles le grant et le haut li .xvii. capitles Des estoiles, dou firmament Dont tant ja vous di briement Que toutes ont, une hautesce Mais ne sont pas dune grandesce Si convenroit, longement lire Qui de chascune, volroit dire Le grant, por ce nous entenrons

[inital: 24th row, opening inital /D/, 2 lines, in red with blue pen flourishing]