ENPages That Need Review
Walters Ms. W.199, Gossouin of Metz, Image du Monde
Page 272
cuneffoiz et de nuit et de jour Et des eclipses qui lors en adviennent pour le jour en devient obscur De la grant eclipse qui advient a la mort de nostre seigneur jhesucrist dont saint denis fust apres converti. De la vertu du firmament et des estoilles. Et comment le mesura le monde et le ciel et la terre. Du roy tholomeus et de sa prudence. De Adam et daulcuns aultres. Et comment clergie et les sept ars furent ga ranties encontre le deluge. Et comment che tout fut retrouve apres le deluge. Et des merveilles que vir gille fist par son sens et clergie. Et pourquoy mon noie fust nommee et establie. Et des philosophes qui aloient par le monde pour aprendre. Quest philo sophie et que platon en respondi. Combien la terre est de la lune et le soleil ont de grant chascun endroit soy. Et les estages des estoilles et de leur nombre et de leurs ymages. le hault et le grant du firma ment et du ciel bleu qui dessoubz est. Et du ciel cristalin et du ciel empire. Si avez ouy en la fin du celestiel paradis et de son estat. Et de dieu qui estre poeut par tout de sa gloire et de sa bonte. de
Page 273
toutes che choses vous avons nous racompte et en rendu pluseurs belles raisons en brief. Car les prinches et aultres gens ne sont point curieux de longues gloses sans grant entendement. Ains ai ment mieulx les choses briefves. comme ceulx qui sont de brief sens et de brief temps. Leurs vies sont briefves et leurs corps sont brief. Car en pe tit de temps sont finez et tousjours devendront plus briefz tant qu qils vendront a neant. Car cestui sie cle trespasse de temps en temps aussi comme vent et defenist de jour en jour et petit sejour y fait chascun. Car tant est de vanite plain que de veri te il nya point. Si advient moult souvent que ce lui qui plus longuement y cuide sejour cest ce lui qui tout le moins y demeure et qui plus tost y prend sa fin. Et pour tant je conseille a tout homme que chascun se paine et traveille de bien et lealment vivre pour che petit de temps quil a a estre en che monde plain de tribulations et mi seres. Car il nest nul quil sache a quelle heure la mort lui vendra courir sus. Et advendra que
Page 274
tel ou telle se cuidera ancores esbatre en che siecle ou six ou huit ou dix ans que en mains de cincq jours se treuve condempne et devale en la fournaise ar dant dinfer Si est celui de bonne heure nez et bien advise quant a sa fin il est pris ou service de nostre seigneur et non pas es voluptez mondaines et dampnables tant comme son createur lui preste lentendement et il en a temps et espace Car dieu lui rendra si riche don et si bel que il aura tous biens a son habaudon avec la joie pardurable de paradis. Laquelle nous soit par le createur et redempteur du monde ottroie en qui toute pitie et misericorde habonde en qui tous biens et ver tus quelzconcques ont este sont et seront pardu rablement. Chi fine le liure appelle lymage du monde leque en parlant de dieu et de ses euvres inestimables encommenche dentre en matere. et en parlant de lui et de ses haultes puissanches et dominations prend fin. Car en tous commenchemens et en toutes operations doit estre le nom de dieu evocquie et appelle comme celui sans lequel toutes
Page 275
choses sont nulles. Si nous doi[n?]t tellement commen chier perseverer et finer que a sa benoite gloire de pa radis soions menez et colloquiez en la sainte com paignie du pere du filz et du saint esperit. Qui vivent et regnent sans fin es siecles des siecles A . M . E . N :-
Comme en la prologue devant ditte est declaire fut cestui volume compille lan del incarnation jhesu christ . Mil . iic . vlx . par le commandement de mon seigneur Jehan duc de berry. Et depuis en lan M . CCCC . xliiii . a este grosse et ordonne a la requeste de jehan le clerc librarier et bourgois de bruges Priant dieu que tous ceulx qui le lyront ou orront lire y puissent tellement prouffiter que che soit au prouffit et sanite de leurs corps et au salut de leurs ames. Amen:-
Scriptum Anno dominice incarnationis . I4. 89. 20. februarii.
Page 87
air perpetuel ne vivre ne demourer tant comme nous aions corps mortel. Comment les .iiii.elemens sont Celle clarte dont nous vous avons assiz parle qui air espirituel est appelle. et ou les angeles prendent leur atourne ment environne alentour du monde les quatre elemens que dieu crea et assist lun dedens laultre Dont lun est le feu. le second est lair. le tiers est leau. et le quart est la terre. Dont lun se serre en laultre. et laultre soustient en telle manie re que la terre se tient ou milieu. Le feu qui enclost premierement cest air ou nous sommes. et celui air enclost leaue apres laquelle se tient alentour de la terre. Tout pareillement comme len voit del oeuf que la[n?]bu[n?] enclost le myoeul et ou milieu du my oeul a aussi comme une goute de gresse qui ne se tient de nulle part. Et la gresse qui la se tient ny touche de nulle part. Par tel et pareil regard est la terre assise ou milieu du ciel tant et si egalement que autant est elle loings du ciel par hault que par bas. ainsi comme vous povez veoir le point
Page 88
du compas qui est mis ou milieu du cercle. Cest a dire que el plus bas est assiz. Car de toutes four mes qui sont faittes au compas est tousjours plus bas le point du milieu. Et ainsi sont les quatre e lemens assis lun dedens laultre si que la terre est tout ou milieu. Car autant a tousjours du ciel dessoubz la terre comme il en appert au dessus Ceste figure en demonstre lentendement et la devise et pour tant y povez prendre garde. Comment la terre se tient droit au fin milieu du monde:-
[image: Title: The earth and the spheres of the four elements Form: Diagram, 10 lines]
POur che que la terre est pe sante plus que nulz des aultres elemens se tient elle plus ou milieu et che qui est plus legier se tient entour elle. Car la chose qui plus poise tant plus
Page 94
[image: Title: Roundness of the earth: distance traveled by stones cast to the center of the earth Form: Diagrams, 10 lines (top) and 7 lines (bottom)]
Et si nen pourroit len tant getter dedens que les pertrins seroient tous plains pareillement com me ilz furent de vant. Sicomme veoir povez en ce ste presente figu re laquelle le vous demonstre bien. Or vous souffice a tant pour apres che parler daultres choses. Quelle la Reondesse de la terre est OR veullies dont ychi oyr pour vous plainement deviser com ment la terre est reonde Qui pourroit tant monter en haut en lair que on peust Re garder la terre par vauls et par plains. La
Page 93
ventroit iusques au milieu de la terre sans jamais remuer de la selle nen estoit traitte a force. et se ten droient tout environ lune laultre pour prendre lieu chascune devers le milieu de la terre. Et se les pierres estoient dun meismes poiz si vendroient tout a une foiz aussi tost lune comme laultre. Car nature nen feroit aultre chose et vendroit lune devers laultre. Sicomme par ceste figure vous povez plainement et sans deffaulte veoiR.
[image: Title: Roundness of the earth: distance traveled by stones cast to the center of the earth Form: Diagram, 10 lines]
ET se leurs povoirs nes toient egaulx du lieu la ou elles cher roient. che qui se roit plus pesant si se rendroit plus tost vers le milieu de la terre et les aultres seroient tout alentour delle. Sicomme par ceste figure yci pourtraitte vous est plainement demonstre
Page 92
roit plus en parfont. mais tantost revendroit amont si quelle seroit ou milieu de la terre. Ne jamais ne se mouveroit dillec. Car lors seroit el le egalement par tout ensus de firmament qui a des tourne et jour et nuit. Et par la vertu de son tour ne poeut riens approchier de lui qui soit pe sant. Ainchois se retiere tousjours dessus dont vous povez veoir la nature et entendement sans aucune deffaillance par ceste presente figure:
[image: Title: Roundness of the earth: distance traveled by stones cast to the center of the earth Form: Diagram, 9 lines]
ET se la terre estoit percee en deux dont lun pertrins fut tren chie en laultre pa reillement comme une croix et quatre hommes fussent tous droits aux quatre chiefs de ches deux pertrins lun dessus et laultre dessoubz si getast chascun sa pierre dedens quelle quelle fust ou grande ou petite chascune
Page 98
roit penser mais il ne le vous samble pas pour sa grandeur Neant plus quil sembleroit a ung homme se il veoit de bien loings ung cheval cour rir par dessus une grant montaigne il ne lui sembleroit mie que il alast le pas seulement Et dautant quil seroit plus loings de lui moins tost lui sembleroit aler Et le ciel est tant ensus de nous que se une pierre estoit en lair aussi hault comme les estoilles sont et fust la plus pesante de tout le monde de plomb ou de metail et prest a cheoir de tout en hault. Cest chose esprouvee et sceue quelle ne seroit pas cheue a terre jusques a cent ans. tant est le ciel loings de nous lequel parest si grant que toute la ter re qui est entour na point de granduer envers le ciel neant plus que auroit le point ou mi lieu du plus grant compas ne el plusgrant cer cle que len pourroit faire en terre. Et se ung homme estoit la sus ou ciel et il regardoit en terre ca ius et la terre just ardant tout alen tour aussi comme charbons alumez elle lui