CHANTILLY, Bibliothèque du château, 0477 (1469) (Reproduction intégrale)

Que avez au premier oi U secont nous est devisee La terre et on est habitee Et de la pamonde lestre Premier de paradis terrestre Dynde des diversetez granz Darbres de bestes et de genz Des oisiaus et daucun poisson Et des choses que nous avon De la paine aus maleureus Qui en enfer ardent touzjours Qui leens sont mis en torment Apres du secont element Ce est eue et fluns et fontaines Chaudes froides males et seines Qui sont en estrange contree Coument la mer devient salee Coment la terre crolle et fent Et de lair coument pluie et vent Des tampestes et des tonoi^rres

Des et du pur air et des esteles De lair pur des planetes .vii. Et coument li bissexte nest Du firmament et de son tour Et des esteles tout entour Et si avez ^/.le cours ^/.oi Coument il est et nuit et jour De la lune puis du soleil Coment il li rent sa pareil Coument il pert sa re^splandour Aucune foiz et nuit et jour Des esclipses qui sus aviennent Et Des vertus queles retiennent De la grant esclipse qui fu Dont seint denis converti fu Da la vertu du firmament Et des esteles ensement Coument len mesura le monde Le ciel et la terre roonde De tholomeus et de ses gens

D[?] et aucunes autres gens Coument clergie fu sauvee Par le deluge et retrouvee Des gens qui furent de grant sens Et des me^rveilles qua son tens Fist virgiles de sa clergie Par quoi fu monoie establie Des philosophes qui aloient Pour aprendre ce quil veont Des philosophes autresi Et de platon qui respondi Combien lune terre solaux Ont de grant chascun endret ax Et des esteles leur estage De leur nombre de leur ymages De haut de grant le firmament Du bloi ciel qui desus sestent Du ciel empire et cristalin Si avez oi en la fin De paradis et de son estre

Et de dieu qui partout puet estre De sa gloire de sa bonte De ^ce vous avons nous conte Et rendu aucune reson Au plus briefment que nous poon Car nont cure de longue glose Les genz dore ainz aiment chose Qui sont bries con cil dedenz Sont de nature de brief tens Brief sont li cors brief sont leur vie Car en pou deure sont fenies Et touzjours plus brieves seront Jusquatant qua noient vendront Car ce siecle si nest noienz Ausi sen vet i coume li venz Et defenist de jour en jour Saucun i fet aucun sejour Que tant est plain de vanite Quil ni a rien de verite Cil qui plus demorer i quide

Est celui qui plus tost le vuide Et tantost muert si fet mout bien Que tant come hons vit face bien Que nus nest qui sache a quele eure La mort li doie courre seure Et tel si cuide encore embatre .V. ou .vii. sa coupe batre Quen mains de .v. anz est alez Et u puis denfer avalez Cil est sages et bien apris Qui u servise dieu est pris Tant con diex li preste le sens Et il en a lesir et tens Car il en avra si haut don Que touz biens avra a bandon Et la joie de paradis Que diex nous ostroit a touzdis En qui toute pitie habonde Ici fenist la pmapamonde A dieu coumence a dieu prent fin

Qui ses biens nous doint en la fin En lan de lincarnation Au jour de laparition .M. deus cens .xlv. ans En primes escrit ce romans Vous qui avez oi lescrit Du filz damedieu jhesu crist Et puis du monde que dex forma Le monde une autre form^e a Que par cetui poon aprendre Qui de ce siecle veut entendre Que ce fu et coument il est Et touzjours et touz jors est

Explixit la mapamonde

ele fu fille et espouse et esp[?] amie nostre seingneur jhesu cris[t] et touz ses desirriers et toute sentention et touz ses labours si fu de destruire pechiez. et de planter vertuz en soi et en autrui elle fu mirouer dinocence exemple de penance rose de pacience. lis de chatee fontainne de misericorde. Elle fu escole de toutes bones meurs. Car ele fu escoliere especial de lescole nostre seingneur jhesu crit qui dist a ses deciples aprenez de moi que je sui douz et de boneres et humbles de cuer. Iceste lecon retint bien especiaument nostre beneoite et sainte et noble dame et mere ma da

This page is blank