Image du Monde en vers

Mes nus hon aler ni pourroit Sangres des ciex ne li mmenoit Car tout est clos de feu ardant Qui jusq^ueus nues vet batant Leens une fontaine nest Quen .iiii. leus devise et nest Dont li un de eus fise a non Un grange ainsi lapele on Si vet par ynde loing et pres Et sorurt dun mont ortobares Et est par devant oriant Et chiet en la mer doccident Et par de souz terre sen fuit Si quen la rouge mer sen bruit Et toute europe avirone Si quen .vii. parties se done Et ve^t par egypte courant Tant quele sourt en la mer grant Tygris et donques eufrate Sourdent en armenie pres

Dune grant montaigne environ Qui mons mechagu a non Et sen vont par mainte contree Jusqua tant qui lont en^contree La mer mogienne oul ou il se fierent Si con leur nature requierent De ca paradis tout entour A leus mout divers et maint tour Car nus hon ni pourroit trouver Point de son vivre nabiter Pour lestes cruieuses et f fieres La sont jaiant et chanelieu Qui touz devendront coume leu Dynde et de ses choses Apres vient la contree de ynde dune eue qui a non ynde Qui sourt de vers septemptrion En midi prent ele tel non Ceste ynde est close en tour Dde la grant mer qui fet son tour

En ynde siet probane une ille Cite i a et mainte vile Que chascun en a .ii. estez Et deus yvers si atrempez Quil i a verdure tot tens Herbes et fleurs oisiax chantans Dor et dargent planteureuse Et dautres choses eureuse La sont les grans montaignes dor De pierres et dautres tresor Mes ni ose approchier nus hons Pour les des^dragons pour les grifons Unes bestes qui sont sauvages Et ont cors de lyons volages Qui bien emportent tout arme Un home quant lont atrape Si a miaint leu mout delitable Qui semble estre si profitable Que suns hons estoit dedens mis Il diroit que cest paradis

Des diversetez dynde Dynde si nest .i. grant mons Qui est une grant regions Quen apele mont aguian Ilec a une gent sans bien Qualixandre dedenz enclost Et sont les gens goz et margoz Et menjuent char doume crue Et vivent con gent mescreue Cest ynde de quoi nous parlons Et tient .xxxiiii. regions Ou en chascune a mout de gent Et si a bois haus et gran^st Qui ataignent jusques aus nues Ileques sont les gens menues Qui nont de grant fors .ii. coutes Et vont emsemble par grans routes Et souventes foiz si bataillent Contre ceus qui les assaillent Mes dedens .vii. ans enveilissent

Sire sont li chiclopien Qui de courre passent le vent Dont la plante est longue et large Quil sen cueurent con dune targe Et sen aombrent pour le chaut Quant desus eus se tient en haut Un autre i sont qui nont cun oeil Enmi le front cler et vermeil Sira .i. autre qui le vis Et la bouche enmi le pis Et un oeil en chascune espaule Que le nes et la bouche avalent Et ont saie sus le musel Tout autresi coume pourcel Si i a vers le flueuve grange Une gent cortoise estrange Et ont drete feture dome Qui de lodeur daucune pome Suivent sans plus et si vont loing La poume leur tel besoing

Que se male pueur sentoient Sans la poume tantost morroient Des serpense dynde En ynde a serpens de ce force qui les cers deveurent aforce Sira une autre beste encore Que len la pele le castore Corne ont de cerf enmi le vis Et de lyon cuisses et piz Piez de cheval oreilles grans Qui li croissent en lui dedens Bouche roonde et le musel Ausi con le chief dun tonel Les euz lun de lautre bien pres Et a voiz dome par un pres Si a une autre pire beste Cors de cheval de cenglier teste Et queue dun olifant Deus cornes u coste devant Dont lune sus son dos abat

Tant con de lautre se conbat Noirs est et beste mout orrible En eue ^et en terre penible Si sont torel qui si blont sont Qui grosse bouche et tel teste ont Si large que la fendeure De lune oreille a lautre dure Corne quenvirom li remuet Quant pris est douter ne le puet En ynde une autre beste i a Quen apele menthochora Vis dome et .iiij. oreillez enz Li sont en la bouche dedenz Enz de chievre cors de lion Et la queue dun corpion Voiz de serpent qui par ses chans Atret et devere deveure les gens Et est plus isnele daler Que nest uns oisiax de voler Bues i a qui piez roons ont

Quatre cornes en mile front Une beste i a de biau cors Quen apele mononcheros Cors de cheval piez dolifant Teste de cerf eus clers et grans Queues hautes contrues ont Et une corne emni le front Qui de longueur a .iiii. piez Drete et ague coume espiz Et quan quele ataint devan li Deront et depiece parmi Sele est prise par nul engin Si se let morir par desdaing Mes ele ne pue^t estre prise Fors par une vierge a devise Bien paree pour lui decevre Et cele son giron li cevre Lors sen vient a la beste tanstost Vers la pucele si sendort Et son giron mout souplement

Et lors la prent ou en dormant Une grande beste ra en ynde Trop fieres qui ont couleurs indes Et cleres taches par les cors Qui sont si cruieuses et fors Tygres ainsi les apele on Et queurent de si grant randon Et quant li veneur isont ^{# [P?]our prendre [bes?]tes qui i [so?]nt} James dilec neschaperont Se par par la voie ne sen vont Qu^a miroers. et quant voient Leur ymages si conjoient Et vont entour et envirom Et cuident que soient leur faon Et quant les despiecent aus piez Que fenduz les ont et perciez Lors si ne truevent rien iqui ^b Acune foiz si pensent si Et cil sen eschepent ainsi ^a Quant leur fourmes voient iqui

Et souvent en sont si espris Quen les porroit prendre tous vis Si a une autre beste encore Quen apele le castore Que quant en le chace pour prendre Si le chastre aug aus dens sanz atendre Et lesse a ceus ce qui enquierent Ainsi a sauvete sen fuient Une petite beste i a Coume soriz une bouche a Que len apele musguelyais Cele part sont li arbre ses Qui parlerent a alixandre Une beste i a salemandre. Qui u feu vit et si sen pest De cele une lainne nest Dont len fet bourses et dras U feu durent et nardent pas Si a une soriz si grant Coume chaz et forz et courant