Image du Monde en vers

[Column A]

Dont nus hom puist avoir la glose Veraiem[en]t p[our] coi elle est Fors si co[m]me a Damedex plet P[ar] clergie puet bien li hom De maite te chose avoir raison & aucune nature entendre Q[ue] raison ni set q[ue] reprendre Tant [com] nus ho[m] en puist enq[ue]re De nature qui oevre en t[er]re Mes de tout savoir ne pouroit P[our] coi ne coument ele soit Ce ne set nus certamement For Dex qui toute reson sent Ou enfers siet & en quel leu La t[er]re devisee avons p[ar] defors si com nos savons Or nos couvient ap[re]s enq[er]re Quex lieus il a dedens la t[er]re Se cest emfers ou p[ar]adis Ou quel chose vaut miex ou pis Cil leus qui est t[er]re est enfers Jedi q[ui] cest li drois enfers Car enfers ne pouroit pas estre En lair ne[n] leu ou ait noblestre Non ciel qui tant est biauz & purs Car trop est laiz vilz & oscurs & plus puant q[ue] nule rien P[ar]coi empuet enterdre bien Q[ue] pl[us] bal leu a fait son estre Car en haut ne puet il pas estre Contraires a p[ar]adis

[Column B]

Enfers hideus p[our] ce sest mis Pl[us] ensus dou ciel qui puet q[ue]rre & cest ou mileu de la t[er]re Je ne di pas quen fers ne soit Aillors en quel leu q[ue] ce soit Car ap[re]s la mort p[ar] tout a Paine & mal q[ui] deservi la Nis sil estoit sor le ciel mis Si avroit il encore pis Si co[m] daucun q[ui] morir doit Se leu en biau leu le metoit Ou il eust ioie & soulas Tant seroit il plus tristre & las Q[ua]nt il verroit q[ui] soulacier Ne se pouroit ne lui aidier Ainsint sera de ces chaitis Q[ui] en enfer p[ar]aus sont mis Q[ue] nos devons a deviser P[our] miauz n[ost]re livre finer Ore oez & sine V^[ous]griet Coument enfers ou mileu siet De la t[er]re & q[ui] p[ar] nature Il veques est car paine dure Ont cil q[ui] laie[n]z se sont mis Q[ui] Dex ne tient pas a amis Bien avez oi & coument Se tienent li .iiii. element Li uns en lautre p[ar] nature Si [que] en mi est la t[er]re dure Q[u]enmi le firmam[en]t se serre Tour ausint a dedens la t[er]re

[Column A]

Dont il est avenu souvent & viles & citez meismes Sont fondues uisq[ue] en abisme & se la t[er]re est de tel force Que le ne fonde si crolle aforce P[ar] le deboutement des venz Q[ui] en destroit sont la dedenz & se muet si durem[en]t fors Q[ue] les g[ra]nz tors & les murs fors Q[ui] sont endroit iluec desus Trebuchent soudainement jus Q[ui] les genz assome & co[n]sont Q[ui] pas p[our] veu ne se sont Dont li pueples q[ui] la demeure Q[ui] ne sevent pas a quele eure Tel mescheance doit venir Li sage qui doutent morir Sap[ar]eillent [con]t[re] la mort De q[ue]re env[er]s Dex lor acort De lor pechiez selonc lor loi & la creance de lor foi Car il nont nul otroi de vivre La ou il sont sain & delivre Issi fait leue mouem[en]t [con]m[en]t la mer P[ar] coi la t[er]re crolle & fent e[st] salee LA saleure est de la mer P[ar] coi li boire sont amer & avient p[ar] souleil en haut Q[en] en aucun leus fet si g[ra]nt chaut Q[ue] la mer sen eschaufe si Q[ue] de la t[er]re desoz li

[Column B]

Atret une amere moistor Q[ui] li tout toute sadoucor Q[ue] en la mer a maintes mo[n]taignes Ausint [com] ci & vaus & plaignes Plaines de m[ou]lt g[ra]nz amertumes Q[ue] la t[er]re au fons en aucunes P[ar] le chaut dou soleilg amont Q[ui] se melle avec em p[ar]font Si q[ue] la saliere ist en haut P[ar]la force dou soleilg chaut Q[ui] de p[ar]font a soi la tret P[ar] les chausem[en]t q[ue] il fet C nest une saliere nee De chaut de scume bie[n] tornee Car une humor a autre tie[n]t Si la mer salee devient Mes de leue atant n[os] tairons De lair P[or] lair q[ue] nos de deviserons & de sa nat[ur]e De sus leue est la airs asis Detant co[m]me il est pl[us] sostiz & eue & t[er]re environe Si q[ue] si hautem[en]t se doune Com pl[us] haut puet mont[er] la nue Dont la pluie est ades venue Cil airs si est li airs espes Q nos environe de p[re]s En toz sens car p[ar] lui vivons Ausint co[m] de leue li poissons Q en flatret & hors le giete Tout ausint cist airs nos p[ro]fite Q[ue] nos respirons enz & hors

[Column A]

En lair est li feus tout entor cest uns air de g[ra]nt resplendor & de m[ou]lt g[ra]nt nobilite Qui p[ar] sa g[ra]nt sostillete Na rie[n]s de moistor dedenz lui & est tant pl[us] clerz de cestui & tant de pl[us] soutilg nature Con cist airs est v[er]s eue pure Ou co[m]me eue env[er]s la t[er]re est Cil airs ou nule moistor nest Jusq[ue] a la lune sestent Desouz cel air voit len souve[n]t De feu cler unes estencelles Q[ui] semblent estoiles isneles Dont la gent dient q[ue] ce sont Estoilles qui courant sen vont & se remuent de lor leuz Mes nou sont ainz est aucu[n] feus Q[ui] en lair nest dune vaspor Seche qui a poi de moistor Dedenz lui qui mo[n]tre i est De la t[er]re dont ele nest P[ar] le souleilg qui sus la tret & q[ua]nt ele est trop haut si let & esprent ausin co[m] chandoile Puis chiet en lair moiste & estai[n]t Car la moistor de lair la vaint & q[ua]nt grosse est & li airs ses Si sen vient tout ardant ades Jusq[ue] a la t[er]re dont souvent

[Column B]

Avient q[ue] cil qui vont najant P[ar] nuit ou q[ui] p[ar] t[er]re vont Maintes foiz trouvees les ont & les voient toutes ardanz Cheoir jusq[ue] a t[er]re luisanz & q[ua]nt la venoient p[our] prendre Si trouvoient si co[m]me cendre Ou co[m]me une fuelle pourie Dun arbre q[ui] seroit moillie Si ne croient pas bie[n] adroit Cil qui cuide questoille soit Estoille ne puet pas cheoir Car toutes les convient movoir En lor cercle ordeneement Nuit & jor a des igalment dou drago[n?] Li dragons nest nule autre chose fors q[ue] une vaspor seche enclose Quen aucun leu sa semble en haut Q[ue] aucune fois avient p[ar] chaut & q[ua]nt esp[ri]s est si semuet & sen vait au pl[us] droit q[ue] puet Co[m]me feus qui est eslaissiez Jusq[ue] a tant q[ue] a t[er]re est baissiez Issi sen vet cil feus volant Tant q[ue] dan q[ue]s vient a noient Tiex choses ont senefiances En t[er]re daucunes muances Dou feu v[ous] avons briement dit & les . iiij . elemenz descrit [Com]m[en]t lune en lautre est asis Si co[m] p[ar] Dex font establis

[Column A]

Li pl[us] legiers ou p[lus] haut leu & li pl[us] pesanz ou mileu Cest la t[er]re dont la fruiz nest Q[ui] les genz & les bestes pest & p[our] le bien q[ui] de lui ist & le fruit qui en lui florist & les autres biens q[ui] i sont Furent aucunes genz au mo[n]t Q[ui] disoient q[ue] t[er]re estoit P[our] le fruit qui de lui naissoit & p[our] le bien q[ue] en lui abunde Unes des estoilles dou monde Q[ui] Dex asist ou firmament Ou mileu p[our] estre pl[us] gent Si q[ue] en lui tel chose fust Q[ui] ases biens p[ar]tir peust P[our] ce devroit bie[n] chaucu[n]s faire Chose qui a Dex peust plaire Car touz les biens quil fist en t[er]re Fist il p[our] nos ames co[n]q[ue]re & que nos peusienz avoir Ramanbrance de son povoir & de sa debonairete Dont il nos fist si g[r]ant bonte Q[ue] avoir povons p[ar] nos meisme Ses biens & sa gloire saintisme Mes puis q[ue] descrit vos avons Les .iiii. elemenz environ Si nos dirons de cel air pur Q[ui] nos semble ausint co[m]me azur Dou pur air [com]m[en]t les .vii. planete[s] sont a-sises

[Column B]

Li purs airs est de sor le feu q[ui] jusq[ue] au ciel p[our]prent son leu En cel air na point docurte Car fez fu de pure purte Q[ui] resplendit & luist sicler Que[n] ni pouroit riens co[m]parer En cel air .vii. estoilles sont Q[ui] en la t[er]re lor cors font Q[ui] m[ou]lt sont & cleres & netes Ses apele len .vii. planetes Dont lune sor lautre est asise & ordenee en tele guise Q[ue] pl[us] alonc entre chascune Q[ue] de t[er]re jusq[ue] a la lune Ou il a pl[us] lonc .xii. tans Q[ue] toute la t[e]re nest g[ra]ns & cort chascune p[ar] miracle Ou firmam[en]t & fait so[n] cercle Lune g[ra]nt & lautre petit Selon ce q[ue] pl[us] bas sen ist Car tant [com] p[lus] p[re]s fait so[n] cors De t[e]re est pl[us] son cercle cors & p[lus] tost a son cors p[ar]fet Q[ue] cele q[ui] pl[us] loig en est Quentendre povez e[n] cest poi[n]t Q[ui] en paroi feroit un poit & plusors cercles tout entor Dun co[m]pas ou dun autre ator Lun pl[us] large q[ue] lautre ades Cil qui dou point seroit pl[us] p[re]s Seroit des autres li pl[us] cors

[Column A]

Prennent les jors de la semaine Lor nous sico[m] orrez ici La lune si a le lundi Marz le mardi p[ar] tel nature Est li mecredis sor Mercure De Jupiter est li juedis & de Venus li vendredis Samedis est dis de Saturne & li dimenches qui sa torne Au souleilg qui est li pl[us] hauz P[our] ce vaut li dimenches miauz Q[ue] nus des jors de la semaine Car cil jors est mis fors de paine & celui jor doit len mains fere Chose qui a Dex soit co[n]traire Mes puis quen est selonc lescrit Avons le firmam[en]t descrit Si dirons ap[re]s daucun cas Q[ui] avienent & haut & bas Autant vaut a dire dime[n]che Comme jor de Dex & loenge Car toute riens doit celui jor A ovrer v[ers] son creator Dou cors dou firmam[en]t & des estoiles Desus Saturne la daraine q[ui] des .vii. est la pl[us] hautaine Est li ciaus que len voit si plai[n] Des estoilles q[ua]nt fet serain Con cil qui touz en est mellez Cil ciaus qui est si estelez Est li firmamenz q[ui] tornoie

[Column B]

& de son tor a si g[ra]nt joie & si tres douce melodie Quil nest hom qui leust oie Q[ui] james vosist chose faire Q[ui] a Dex fust de rien contraire Tant baaroit a avenir A ce quil la peust oir Touz jors & avroit lonc soie Si tres joeuse melodie Dont aucuns furent q[ui] disoient Q[ue] li petit effant lo oient Q[ua]nt rioient en lor dormant Q[ue] lendit quil oent le chant Les angles Dex em p[ar]adis Q[ui] lor cuer en cele joie ont mis Mes de ce ne set nus le voir Fors Dex q[ui] tretout puet savoir Q[ui] les estoilles ou ciel mist & tel force avoir lor a p[eri]st Que[n] t[er]re na chose div[er]se Ne dedenz mer tant soit p[ar]v[er]se Qui ou ciel ne soit figuree P[ar] estoilles & co[m]passee Dont nus ne puet savoir le nobre Fors Dex qui p[ar] lui sol les no[m]bre Con cil qui tout p[ar] raison fist De celes quen ne puet veir Puet len bien le nonbre savoir & q[ue]re p[ar] astronomie Mes cest une bele mestrie Ni a estoille tant petite