ENPages That Need Review
Walters Ms. W.199, Gossouin of Metz, Image du Monde
Page 209
apres che quant saint pol vient celle part ou saint denis estoit comme celui qui le savoit estre tresgrant clerc pourquoy il le converti plus tost alaide de nostre seigneur qui y ouvra et aussi que tous deux estoient tant bons clercs sicomme en leurs legendes est bien au long contenu. Et ainsi devient le noble clerc saint denis bon et vray cristien lequel avoit toute sa vie es te sarrasin. Si emploia sa science et son temps de jour en avant au salut de son ame. Celle eclipse ne le de chupt pas ne che quil sceut dastronomie ains en devient depuis homme de si sainte et bonne vie quil en acquist pour son loier le royalme de paradis. Vous avez ouy du fait des eclipses se bien les volez entendre ja piz ne vauldrez aincois y poent chascune personne moult prouffiter Car cest siginification et demonstran che que telles besongnes ont de grandes signifficances Che treuvent les astronomiens par astronomie sicomme deffault daulcuns biens ou de chier temps ou de guerres ou de mort de roys ou de prinches qui dovient advenir en terre tant comme len en poeut enquerre par raison. Celle eclipse qui fu si grande
Page 210
signiffia la mort de jhesucrist si deubt elle bien adve nir aultrement pour jhesucrist que pour ung aultre Car il estoit et est par droiture sires et roy de tout le monde et le poeut deffaire et en ordonner a son bon plaisir Les aultres adviennent par nature qui retiennent en terre leurs vertus des choses qui sont advenir sicomme il convient tout finir et venir a neant tout che quest sur terre et brief dieu ne fist pas le firmament ne les estoilles pour neant. qui comme dit est va tournoiant au dessus de nous ain chois donna aux estoilles noms et vertus en ciel et en terre chascune selon sa puissanche en toutes cho ses qui ont naissance. Car il nest chose qui naist aul cun povoir pour tant quelle ait naissanche toute tel le quelle doit par rayson avoir Nous lairons pour le present a tant de la vertu du firmament et des estoil les Car qui bien en sauroit la vertu il sauroit droitte raison de nature combien que la chose fust obscure ou non. De la vertu du ciel et des estoilles OR veullies oyr de la science par la quel le len acquiert sapience par congnoistre
Page 211
et enquerre les choses qui poevent en terre advenir par euvre de droitte nature qui se figure par le mon de. Les cieulx et les estoilles sont les vrays instrumens de nature au monde par quoy elle euvre tout ades sicomme dieu veult tant pres comme loings. Et qui scet congnoistre sa puissanche il a congnoissanche de tout che que dit est tant des estoilles qui sont ou ciel qui ont leurs vertus en terre que dieu ottroia a chascune et a la lune et au soleil qui au monde font naistre la clarete et sans qui riens vivant estre ne poeut. Car par celles corrompt et naist toutes choses qui sont en che monde. et qui a fin et commen chement ainsi le consent et permet le tout puissant Toutes diversitez qui sont es personnes et qui ont diversitez de faiture et de corage et tout che quil ad vient par nature. soit en herbes en plantes ou en bestes. che advient par la vertu celeste que dieu donna aux estoilles quant il crea premierement le monde et quil les y mist et dona de telle nature quil les ordonna aler alentour du monde contre le tour du firmament. Et par leur tour et par
Page 212
la vertue qui gist ou ciel vivent toutes choses qui sont en dessoubz. Et se il venoit a plaisir a nostre seigneur quil feist tenir le ciel tout quoy si quil ne tournast a la ronde tout entour il nest nulle chose en tout le monde qui se peust mouvoir ne qui en elle eult nul sens neant plus que ung mort qui riens ne sent ne ou il na ne sens ne mouvement comme celui qui na point de vie. Et en tout autel point que chascune chose seroit aleure que le ciel lairoit son mouvoir tout ainsi seroient que jamais ne se mouveroient tant que le ciel rauroit mouvement. Et lors resse roient aultrement. Mais qui lors pourroit de son sens user et veoir que il seroit moult pourroit veoir de samblanches et de diverses coutenances es aultres gens qui ne se pourroient remuer Car sil ny avoit mouvement ou ciel il nest riens qui peuist vivre en terre. Aussi dieu ne le vouldroit qui tout voeult par droit establir. Ainsi fu le voloir de dieu en qui toutes vertus habondent fourmer tout le monde. Car il ne crea ne ne fisst oncques chose a qui il ne donnast sa vertu telle comme il la devoit avoir Aultrement eust
Page 213
il fait aulcune chose pour neant et sans raison mais il ne le fist pas ainsi. Car il ne lui failli nulle riens il fist et crea toutes les estoilles et donna a chascune sa vertu. et qui ainsi ne le voeult croire en lui na sens ne raison. Car nous veons appertenient que la lune prend lumiere quant nous la veons toute plaine. Car lomme na lors ne membre ne vaine qui ne soit plus plaine que quant elle est en de cours de humuers et telz choses. Et pareillement advient a toutes bestes. car ilz ont lors les testes et aultres membres plus garniz de moulle et de hu muers. Et dela mer meismes sen enfle et se desen fle a son decours. Tant que che vient ou mois apres dont il advient que ceulx qui sont pres de la mer lors quilz scevent que la lune doit estre plaine ilz se re traient ensus de la mer si emmainent leurs maisi nes. Et en che point seslongent de leurs manoirs et se vont tenir en haults lieux jusques ad che que la mer sen retourne arriere. Et font ainsi chascun mois. mais tout che advient par la lune qui qui est une des sept planettes. pareillement voit len
Page 86
ne oioit la parole de langele fors ainsi comme en songant et estoit tout meu sans parler jusques a tant que langele sen repairoit arriere. Lors le preud homme se resveilloit qui bien se ramembroit du dict de langele. Ainsi vous di je a la verite que nulz homs corporel ne si pourroit soustenir en nulle maniere tant est prez du saint ciel la sus dont nous sommes si arriere mis. Car nulle chose corporelle ne si pourroit soustenir en nulle maniere pour tant quelle fust de riens pesant. Ne quelque oyseau tant soit fort ne bien volant ne se pourroit la soustenir quil ne lui con venist venir en bas aussi tost comme une pierre. jus ques il venroit en lair ou il pourroit reprendre son vol se il nestoit esbahi de descendre. Car riens ny por roit demourer se che nestoit chose espirituelle ne point ne auroit de son vivre. Car neant plus que le poisson poeut vivre en cest air ou nous sommes ne lui sou stenir que bien tost morir ne le convenist et moult tost periroit se il nestoit continuellement en leaue nourry. Tout pareillement vous diz je de nous Car nous ne vous pourrirons mouvoir en celui
Page 85
celle part il verroit tout et unes choses et aultres tout che qui seroit de lun des chiefz jusques a lautre aussi legierement ou plus comme ung homme fe roit ca jus par terre devant ses yeulx ung seul pie loings de lui ou moins encore sil en avoit mestier Tout pareillement vous diz qui la seroit il porroit veoir tout entour aussi bien de loings comme de prez tant est celui air cler et net. De celui hester prendent les angeles leurs corps et leurs elles quant nostre seigneur dieu les envoie en messaige ca jus en terre a ses amis. quant il leur voeult demonstrer aucune chose. Et pour che samblent ilz estre si clers aux hom mes pecheurs en che monde que leurs yeulx ne poeuvent sourfrir la resplendeur ne regarder celle grant clar te comme ceulx qui dobscurte sont plains. Cest a dire plains de pechies et diniquitez dont ilz sont tous remplis. Si en est mainteffoiz advenu que quant les angeles estoient venuz a aucun homme en quel que lieu pour la volente de dieu annunchier que tandiz comme langele parloit a lui il se cheoit a terre comme tout endormy. Et lui estoit adviz quil
Page 84
sera il de ceulx qui laissent le bon grain pour la pail le. Che sont ceulx qui laissent leurs ames perir pour le delit de leurs corps dont tous maux leur vienguent A tant se taist pour le present la declaration des sept ars et de nature pour deviser la fachon du mon de comment il est par nature fait et pourtrait de dieu qui dun seul voloir crea et fourma le monde et tout che que y apend. Or veullies entendre ce que nous vous en dirons. De la fourme du fir DIeu fourma le monde tout reond mament pareillement comme est une pelote. laquelle est toute reonde et le ciel tout reond qui environne le terre de toutes pars entie rement sans nulle deffaulte tout ainsi comme les scaille du loeuf qui advironne laubun tout entour Et ainsi le ciel advironne ung air qui est sur celui air le quel en latin est appelle hester. Cest autant a dire comme pur air et net. Car il fut fait de pure et de nette purete. Celui air si reluis nuit et jour de resplendeur perpetuelle. Et est tant cler et re luisant que se ung homme estoit demourant
Page 83
les sept ars pour oster les mauvaises pensees qui poevent conduire lomme a mort que len les poeut destruire par les ars. Et par ainsi poeut len muer son malvaiz estat par les enseignemens dun bon maistre. et pour che fait bon hanter entre les vertueulx. Car on y poent en plu seurs manieres aprendre et prouffiter Si est celui saige qui fait son preu en telle maniere que apres la mort il en ait de mieulx et que dieu le rechoive en gre. Si aura par ain si fait de son preu plus que de laultrui. Che sachent tous certainement car il en recepvra tout le bien et moult est celui fol qui tant ayme son corps quil en oublie a saulver son ame que dieu lui presta pure et nette affin que telle la lui rendesist a sa mort et il se gouverne tellement que par sa coulpe il la soulle de pechies. Celui qui ainsi se con duist fait pareillement comme le mauvaiz serviteur auquel le maistre bailla ses besans pour multiplier en bien. Mais il ne le fist pas justement comme celui qui estoit de male foy pour quoy le maistre voiant la disloiaulte de celui le chassa ensus de lui ne oncques de puis il neust que honte et reproce ainsi que levangille le nous tesmongne et racompte. Tout pareillement
Page 82
estudia en maint livre traitant de nature. Pluseurs aultres philosophes en parlerent disans que nature pro cede des vertues de chaleur qui fait naistre et nourrist tou tes choses. Mais pour le present je men passe a tant pour parler daultre matere. Iceulx philosophes ensievirent mieulx platon que aristote. Ainsi en dirent leur samblant et en parlerent si haultement selon che que dist est que pau de clers y povoient advenir Et pour abregier il nest nul qui puist contredire ne parfaitement savoir que cest fors dieu qui tout scet et qui tout voit et qui pre mierement le voulut establir pour acomplir toutes cho ses. Si poent len bien par che savoir que dieu est de moult grant puissanche et est de lui tres grant chose quant de neant et sans traveil il crea et fourma tant excellente chose et de tant hault et noble affaire. Et pour che voult il lui meismes creer et faire lomme a celle fui quil fust si puissant et quil eust tel sens en lui quil sceust par natu re che que grever lui povoit a son ame et vivre envers nostre seigneur Car sil se voeult justement conduire il poeut bien a che mener son coeur que nature ne le poeut grever en nulle maniere. Et pour tant furent trouvez